Marko 9:13 - Pokomo

¹³ Ela nyakumwambiani kwamba Eliya kamakudza hangu iiḍe, na wantu wamuhendea kula aina ya zuka dza watsakiyevyo, dza viviḍe vyorejwevyo dzuu yakwe.”

Marko 9:13 Iomraidhean Croise

Matayo 11:14

Na ikiwa kwamba mwaa t̯ayari kuvihikiza hivi vya hawa manabii waneneyevyo, ḅasi Yohana Mut̯opya ndiye huyu Eliya at̯aḅirijwee kwamba njwakudza.

Marko 9:12

Nae kawambukuya kawamba, “Gula ni ḍugha kwamba Eliya hi had̯i adze d̯ura ili ayaelekanye mambo yonse. Ela ni kwa dzambo ga vyoregwa matsoroni kwamba Mwana jwa Ad̯amu ni had̯i akuntiswe d̯ina na anyirwe ni wantu?

Marko 9:14

Yesu na hawaḍe wanafund̯i wohahu wepfofika kwa hawaḍe wanafund̯i wangine, waona t̯ut̯a nkuu na nkuu ya wantu iwaringiyeo. Waona waalimu wa Sharia weowakiḍaat̯iana na hawa wanafund̯i.

Luka 1:17

Yohana kadzayongowa usoni ya Ḅwana amuelekanyie machiyo yakwe na Ruhu na nguvu dze za Eliya. Kadzawatsanganya wababa na wana wao pfamodza kawii. Kadzawakengeuya wasiomuhikiza Ḅwana kuwa wantu wahachi na kadzawaelekanya wantu t̯ayari kumukaraḅisha Ḅwana.”

Mahendo 7:52

Ni nabii ga, asiyekuntiswa d̯ina ni wabibi zehu? Wawayaga hawa manabii wa Muungu weolalabva kae kudza kwa muhumisijwe muhachi. Kadza, na hi saasambi mumuḍawanya na mumuyaga.