Marko 8:2 - Pokomo

² “Nyakuwaoneani t̯ei muno hawa wantu hawa, koro wesakukaa nami hapfa kwa nsiku ntahu sasa, na ntawa kiḍechonse cha kuḍya.

Marko 8:2 Iomraidhean Croise

Matayo 14:14

Yesu akwakwojekani kaona t̯ut̯a nkuu na nkuu ya wantu. Na epfowaona, kawasikit̯ikia muno na kanjia kupfonyani hawaḍe weokuwa wajwazi.

Matayo 20:34

Yesu kawafwiya t̯ei muno. Kawahora haya matso yao, na pfapfo waḍabva kuona kawii, nao wamuuḅa Yesu.

Matayo 9:36

Epfoona hivi vit̯aro vya wantu vivyovikimwendea, kawasikit̯ikia muno. Koro kawaona dza mbuzi zisizokuwa na mut̯unga. Kawaona kwamba wekihangaika na ntaweewa na madzikwat̯yo yaḍeyonse.

Marko 1:41

Yesu kamufwiya t̯ei na kamunyopezea mukono kamuhora na kamwamba, “Nakupfoza.” Makisa kamwamba, “Pfowa!”

Marko 5:19

Ela Yesu kadziza. Ishinu kamwamba, “Uja nyumbani ukawasumwiiye waḅamuzo hayaḍe yonse ya Muungu akuhendeeyeyo na namuna akufwiiyevyo t̯ei.”

Marko 6:32

D̯ubva wanuka wanjia chomboni wao heket̯u, wenda pfantu chit̯u.

Marko 6:34

Yesu akwakwojekani kaona t̯ut̯a nkuu na nkuu ya wantu. Kawasikit̯ikia muno koro kawaona dza mbuzi zisizokuwa na mut̯unga, nae kaḍabva kuwayongweeza mambo menji na menji.

Marko 8:3

Na ninkiwagonzoza kwenda makwao na nzaa zao, wanavurika njiani koro wangine wayawa kuye.”

Marko 9:22

Myeedha minji hi mpepfo nzuka ipfonamujumukia, inakaa na kumugisa mohoni ambu madzini ili ipate kumuyaga. Ikiwa kwamba unaweza, hufwiye t̯ei na uhusaiḍiye.”

Luka 15:20

D̯ubva kanuka kuuja kwa babajwe. Asidzafika hafufi na nyumbani, babajwe kamuona na jwa kuye. Kamufwiya t̯ei muno. Kamud̯aramia kenda kamurhampika na kamunonea.

Luka 7:13

Yesu epfomuona huyuḍe muke muchiwa, kamufwiya t̯ei, makisa kamwendea kamwamba, “Nkudzoiye.”

Waeburania 2:17

Ndiyo maana iwa imumala kuwa dza wanaad̯amu wangine wonse kwa kula namuna, ili apate kuwa *Mukohani Mukuu jwao eye mut̯ei na eyenahikizika kwa uhumisiwe kwa Muungu, ili kwamba hawa wantu wapate kuyatsijwa nabvise zao.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 5:2

Na kwa kwamba nae ana udhaifu wa kibenaad̯amu, anawahwaiya na umpowe hawaḍe weonahenda mazuka pfasipfo kumanya.