Marko 7:7 - Pokomo

⁷ Kuniyomba kwao ntaku maana yaḍeyonse, koro wanayongweeza masharia yatungijweyo ni wanaad̯amu dza kwamba ndiyo Sharia ya Muungu.’ ”

Marko 7:7 Iomraidhean Croise

Matayo 15:9

Kuniyomba kwao ntaku maana yaḍeyonse, koro wanayongweeza masharia yatungijweyo ni wanaad̯amu dza kwamba ndiyo hi Sharia ya Muungu.’ ”

Matayo 6:7

Na mukwakuyombani namutsekaa mukinena vyuuwo vinji na vinji visivyo maana iḍeyonse. Walumwengu wanakaa na kuyomba dzevihivi, wakit̯ara kwamba Muungu anawasikia kwa dzambo ḍya mayombo yao mayeya mayeya.

1 Wakorint̯o 15:14

Na t̯ambere Kirist̯o andeewa nkakufufujwa kuyawa kwa wafu, ntahundeewa na kintu cha kusumwiiya, nanywi ntamundeewa na kintu cha kuhikiza.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

Wakolosai 2:22

Haya haya yonse ni masharia ya kiwanaad̯amu dzuu ya vyakuḍya na vija vingine, vivyonatumika iyo saa na iyo saa vikasia ḍyakwe.

Tito 3:9

Ela wewe, dzit̯anye na yuḍaat̯o jwa uḍyura na utsekaiya milongo miyeya miyeya ya masari ya wabibi zenu na wala utsenjia matsowanoni na kuhehani dzuu ya hi *Sharia. Haya ni mambo ya uḍyura na yasiyo maana.

Yakobo 1:26

Muntu akwakudzihwaani kwamba jeje ni muntu muchuuwo na huku nkawezi kut̯unza jwiimijwe, huyo kakudzikulanikulani mwenye, na kuwa muntu muchuuwo kwakwe, ntaku maana yaḍeyonse.

Yakobo 2:20

E ḍyurawe! Nkwaimuka hat̯a kwamba muntu akiwa na faro kisa akitsahenda mema, hiyo faro yakwe ntai maana?

Upfenuo wa Yohana 22:18

Nyakumukanyani kula adzeevisikia hivi vyuuwo vya unabii vyorejwevyo humu chuoni. Yuḍejwonse adzeekwongeza dzambo, nae Muungu anamwongezea haya mabigo yorejweyo humu chuoni.