Marko 7:28 - Pokomo

²⁸ Ela huyu muke kamwamba, “Ndivyo Ḅwana, ela hat̯a machughe nayo yanaḍya hu muharachao wa wana wiwonagwa mutsangani.”

Marko 7:28 Iomraidhean Croise

Matayo 15:27

Ela huyu muke kamwamba, “Gula ndivyo Ḅwana, ela hat̯a machughe nayo yanaḍya hu muharachao wiwonagwa kuyawa mezani kwa maḅwana zao.”

Matayo 5:45

Mukihenda hivi, munawa wana wa huyuḍe Baba jwenu jwa yuwinguni. Koro jeje anaḍiwaza hiḍi dzuwa kwa wantu wema na wazuka pia. Ananyesa mvuya kwa wantu weonahenda miro ya Muungu na hat̯a kwa hawaḍe wasiohenda miro ya Muungu.

Marko 7:27

Ela Yesu kamwambukuya kamwamba, “Wayatse nguzi hawa wana waḍye wakuhe. Koro si urembo kuhwaa chakuḍya cha wana ukifat̯uliye machughe.”

Marko 7:29

Nae Yesu kamwamba, “Kwa dzambo ḍya kwambukuyako, enda nyumbani. Hi mpepfo nzuka isakumuyawa huyu mwanamukeo!”

Warumi 10:12

Ndookomu ntaku ugaragara kahi ya Muyahud̯i na muntu jwa kyeet̯i chingine. Muungu ndiye Ḅwana jwa wantu wonse, na anawavodhya kwa winji hawaḍe wonse weonamuyomba.

Warumi 3:29

Ambu munat̯ara kwamba Muungu ni Muungu jwa Wayahud̯i ḅasi? Dzaambia siye Muungu jwa wantu wa vyeet̯i vingine pia? Ndivyo, Muungu ni Muungu jwa wantu wa vyeet̯i vingine pia.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.