Marko 7:17 - Pokomo

¹⁷ Yesu epfonuka hapfa pfe t̯ut̯a ya wantu akyenda akinjia nyumbani, hawa wanafund̯iwe wamuuza maana ya hiḍi inganyo.

Marko 7:17 Iomraidhean Croise

Matayo 13:10

Makisa hawa wanafund̯i wamwendea Yesu wamuuza wamwamba, “Ḅwana, kut̯i kula ukwakunenani na hawa wantu unakaa na kunena na mainganyo?”

Matayo 13:36

Makisa Yesu kanuka na hapfaḍe pfe t̯ut̯a ya wantu kanjia nyumbani. Hawa wanafund̯iwe wamwendea wamwamba, “Ḅwana, hwambie maana ya hiḍi inganyo ḍya pfaiya.”

Matayo 15:15

Kisa Pet̯ero kamwamba Yesu, “Ḅwana, hwambie maana ya hiḍi inganyo.”

Marko 2:1

Ḅaad̯a ya nsiku kadha kuchia, Yesu kauja kawii Kaperinaumi, na maagu yad̯achaa kwamba ka nyumbani.

Marko 3:20

Kisa Yesu na wanafund̯iwe wanjia nyumbani. Na kawii kut̯uut̯aa t̯ut̯a nkuu na nkuu ya wantu hat̯a Yesu na wanafund̯iwe ntawakupata namfasi ya kuḍya chakuḍya.

Marko 4:10

Yesu epfosaa jeje na wanafund̯iwe kumi na wawii na wantu wangine weowakimuuḅa, wamuuza dzuu ya haya mainganyo.

Marko 4:34

Yesu nkakunena na hawa wantu kiḍechonse pfasipfo mainganyo. Ela epfokuwa ndiye jeje na wanafund̯iwe wao heket̯u, ekiwaimusya maana ya haya mainganyo.

Marko 7:16

Mwenye masikio, nasikiye.”

Marko 7:18

Nae kawamba, “Koro hat̯a nanywi ntamukuimuka kintu hat̯a? Ntamunaona hat̯a kwamba, cha muntu echonaḍya ntakimuhendeze kutsaawa mudheru?

Marko 9:28

Ḅaad̯aye Yesu epfonjia nyumbani, hawa wanafund̯iwe wenda wamuuza geri wamwamba, “Ḅwana, kut̯i swiswi ntahukuweza kuiyavya hiḍe mpepfo nzuka?”