Marko 6:51 - Pokomo

⁵¹ Kisa kanjia humu chomboni wemokuwa, na vut̯o ḍinyamaa na kukerema tswee! Nao wamaka kuchia chima.

Marko 6:51 Iomraidhean Croise

Matayo 8:10

Yesu epfosikia hivi vya huyu mukuu aneneyevyo kamaka muno. Kisa kanena na hawa weowakimuuḅa kawamba, “Hachi nyakumwambiani, sidzaona muntu awee na faro nkuu dza hi hat̯a kahi ya Waisiraeli!

Marko 1:27

Wantu wonse wamaka muno hat̯a waḍabva kuuzana wao na wao wakyamba, “Haya haya nayo ni mambo ga? Munamba ni mayongweezo mapfya? Huyu huyu muntu ana mamulaka yeyodze, ya kwamba hat̯a akiamuru mpepfo nzuka zimuyawe muntu nazo zinamut̯ii?”

Marko 2:12

Na iyo saa, huyuḍe muntu kanuka wima, kahwaa t̯at̯aḍye kagonzowa huku wantu wonse wakiwa kumuyowani na kumaka. Na wonse wanjia kumushad̯ani Muungu wakyamba, “Ntahudzaona dzambo dza hiḍi meshi!”

Marko 4:39

Yesu epfoyamuka, kaḍibusa hiḍi vut̯o na kayaamuru haya mawimbi kayamba, “Ingamaa! Ḍunda mya!” Na pfapfo hiḍi vut̯o ḍinyamaa na ziwa ḍyonse ḍiḍunda mya!

Marko 4:41

Nao myojo iwanjia oga zaid̯i na waḍabva kuuzana wao na wao wakyamba, “Huyu huyu ni muntu aweedze, jwa kwamba hat̯a vut̯o na mawimbi navyo vinamut̯ii?”

Marko 5:42

Iyo saa huyuḍe mwanamuke kanuka, na kaḍabva kudzyenendea. (Huyu mwanamuke ewa na myaka kumi na miwii). Wantu kudzaona hivyo wamaka kuchia chima.

Marko 6:32

D̯ubva wanuka wanjia chomboni wao heket̯u, wenda pfantu chit̯u.

Marko 7:37

Wantu wamaka muuno na wamba, “Kula eḍyonahenda ni dzambo ḍya kumakisa! Anahendeza hat̯a makurud̯ud̯u yakasikia na maḅuḅwi yakanena!”

Yohana 6:21

Na pfapfo, wekitsaka anjie humu chomboni. Nao ntawakukawa, iyo saa wojeka hukuḍe wekowakyenda.