Marko 6:15 - Pokomo

¹⁵ Wangine wekyamba, “Ni nabii Eliya,” na wangine wekyamba, “Huyu ni nabii dza hawaḍe manabii wangine wa kae.”

Marko 6:15 Iomraidhean Croise

Matayo 16:14

Nao wamwambukuya wamwamba, “Wangine wanakwamba u Yohana Mut̯opya, wangine wanakwamba u nabii Eliya, wangine wanakwamba u nabii Yeremia na wangine wanakwamba u mumodza jwa hawa manabii wangine wa kae.”

Matayo 21:11

Ndookomu wangine weokuwa humuḍe mwe t̯ut̯a wawamba, “Huyu ni nabii Yesu jwa kuyawa mudzi wa Nazareti, wiwo ḍyimbo ḍya Galilaya.”

Marko 6:16

Ela Herod̯e epfoyapata haya maagu kamba, “Huyu ni yuyuḍe Yohana nimuhuniyee kitswa, kafufuka kuyawa kwa wafu!”

Marko 8:28

Nao wamwambukuya wamwamba, “Wangine wanakwamba wewe u Yohana Mut̯opya, wangine wanakwamba u nabii Eliya, na wangine wanakwamba u mumodza jwa hawa manabii wa kae.”

Luka 1:17

Yohana kadzayongowa usoni ya Ḅwana amuelekanyie machiyo yakwe na Ruhu na nguvu dze za Eliya. Kadzawatsanganya wababa na wana wao pfamodza kawii. Kadzawakengeuya wasiomuhikiza Ḅwana kuwa wantu wahachi na kadzawaelekanya wantu t̯ayari kumukaraḅisha Ḅwana.”

Luka 7:16

Wantu wonse weokuwapfo wagijwa ni oga na wamushad̯a Muungu wakyamba, “Hut̯upukijwa ni *nabii mukuu kahi yehu. Muungu kadzia kuhugija swiswi, wantuwe!”

Luka 7:39

Huyuḍe Mufarisayo amuhaniye Yesu, epfoona haya, kat̯ara na mojoni kamba, “T̯ambere huyu muntu ni nabii ḍugha, andehambuya kwamba ayu muke eyekumuhorani-horani ni muke eyedze, koro ni shudha!”

Luka 9:19

Nao wamwambukuya wamwamba, “Wangine wanakwamba u Yohana Mut̯opya. Ela wangine wanakwamba u nabii Eliya na wangine wanakwamba u mumodza jwa hawa manabii wangine wa kae afufukiye.”

Luka 9:8

Wangine wekyamba ni *nabii Eliya kat̯upuka na wangine wekyamba ni mumodza jwa manabii wangine wa kae afufukiye kuyawa kwa wafu.

Yohana 1:21

Nao wamuuza wamwamba, “D̯ubva u ga? U Eliya?” Jeje kawambukuya kawamba, “Moro, sikwaa Eliya hat̯a!” Nao wamuuza kawii wamwamba, “Mani d̯ubva ndiwe ayu nabii hwiyekuindiiyani?” Nae kawambukuya kawii kawamba, “Mimi sikwaa huyu *nabii mwiyekuindiiyani hat̯a!”

Yohana 1:25

Nao wamuuza wamwamba, “Ikwaakwamba wewe siwe ayu Masiya, wala siwe Eliya ambu huyu nabii, kut̯i d̯ubva kwakut̯opyani wantu?”

Yohana 6:14

Hawa wantu wepfoona haya mafara ya Yesu ahendeyeyo wamaka na wamba, “Hakika huyu ndiye huyu nabii hwiyehukimuindiiya.”

Yohana 7:40

Hawa wantu wepfomusikia Yesu hivi aneneyevyo, wangine wao wamba, “Hakika huyu muntu huyu, ndiye huyu nabii hwiyehukimuindiiya.”

Yohana 9:17

Kisa hawa Mafarisayo wamuperukia kawii huyu muntu apfonyejwe, na wamuuza wamwamba, “Wewe kwamba wiwa ntumbu matso ela huyu muntu kakupfonya. Haya, una chuuwo ga cha kunena dzuu yakwe?” Nae kawambukuya kawamba, “Huyu muntu ni *nabii.”