Marko 5:43 - Pokomo

⁴³ Yesu kawaseresa watsevimwambia yuḍejwonse hivi vihendekeyevyo. Kisa kawamba wamumpe huyu mwanamuke kintu cha kuḍya.

Marko 5:43 Iomraidhean Croise

Matayo 17:9

Makisa wepfowakisuka na hapfaḍe murimani, Yesu kawaamuru kawamba, “Haya muoneyeo ntamuruhusa ya kuyamusumwiiya yuḍejwonse hat̯a saa yangu mimi *Mwana jwa Ad̯amu nidzeyofufujwa kuyawa kwa wafu.”

Matayo 8:4

Kisa Yesu kamuseresa kamwamba, “Manya utsemwambia muntu yuḍejwonse dzuu ya hiḍi hiḍi dzambo. Ishinu enda kwa huyu mukohani ukadziyanganye kwakwe kwamba kupfowa na uyavye mvuugiya dza vya *Sharia ya Musa ivyonakumala kuhenda, dza ushaahiḍi kwamba kudhereswa.”

Matayo 9:30

Nao pfapfo waḍabva kuona! Makisa Yesu kawaseresa vyumuni kawamba, “Manyani mutsevimwambia muntu yuḍejwonse!”

Marko 1:43

Kisa Yesu kamuseresa muno kamwamba, “Manya utsemwambia muntu yuḍejwonse dzuu ya hiḍi hiḍi dzambo. Ishinu enda kwa huyu mukohani ukadziyanganye kwakwe kwamba kupfowa na uyavye mvuugiya dza vya Sharia ya Musa ivyonakumala kuhenda, dza ushaahiḍi kwamba kudhereswa.” Kisa kamugonzoza kwenda nyumbani na yayo maguu.

Marko 3:12

Ela Yesu kawaseresa vyumuni watseenena kwa wantu kwamba jeje ni ga.

Marko 5:42

Iyo saa huyuḍe mwanamuke kanuka, na kaḍabva kudzyenendea. (Huyu mwanamuke ewa na myaka kumi na miwii). Wantu kudzaona hivyo wamaka kuchia chima.

Marko 7:36

Yesu kawaseresa hawa wantu watseḍimwambia muntu hiḍi dzambo. Ela mala awasereseyeo ndiyo mala wagijiyeo kuḍid̯achasa zaid̯i hiḍi dzambo.

Marko 9:9

Ḅaad̯aye wepfowakisuka na hapfaḍe murimani, Yesu kawaamuru hawa wanafund̯iwe kwamba, hiviḍe waoneyevyo watsevimusumwiiya yuḍejwonse mumpaka ngera yakwe jeje *Mwana jwa Ad̯amu adzeyofufujwa kuyawa kwa wafu.

Luka 24:30

Wepfokaa kuḍyani, Yesu kauhwaa hu mukahe, kamushad̯a Muungu, makisa kauvunza na kawapfa hawaḍe wantu.

Luka 5:14

Yesu kamuseresa atsemwambia muntu yuḍejwonse dzuu ya hiḍi hiḍi dzambo. Ishinu kamwamba, “Enda kwa huyu *mukohani ukadziyanganye kwakwe kwamba kupfowa na uyavye mvuugiya dza vya *Sharia ya Musa ivyonakumala kuhenda, dza ushaahiḍi kwamba kudhereswa.”

Luka 8:56

Hawa wavyazi wa huyuḍe mwanamuke wamaka muno, ela Yesu kawaseresa watsevimwambia yuḍejwonse hiviḍe vihendekeyevyo.

Yohana 5:41

Yesu kongeza kunena kamba, “Mimi sikwakulachani kushad̯igwa ni wantu hat̯a!

Mahendo 10:41

si kwa wantu wonse, ela kwehu t̯u swiswi hwiwo mashaahiḍi wa Muungu eotsana hangu d̯ura. Swiswi huḍiyeo na kunwa pfamodza nae epfofufuka kuyawa wafuni.