Marko 5:35 - Pokomo

³⁵ Yesu asidzakwisa kunena, kudza wantu kuyawa nyumbani kwa Yairo na wamwamba Yairo, “Huyu mwanamukeo kesakufwa. Amaale ayu Mwaalimu unamusumbwiiya ḍi?”

Marko 5:35 Iomraidhean Croise

Matayo 26:10

Ela Yesu ewa kavihambuya hiviḍe wevyowakit̯ara na kawauza kawamba, “Ayu muke ayu mwakumusumbuiyani, na hali kanihendea dzambo dzema ḍya mafara?

Matayo 26:18

Nae kawambukuya kawamba, “Mukyenda humuḍe mudzini munat̯ongana na muntu. Mwambeni, ‘Mwaalimu jwehu kamba, hu wakati wa Muungu aunipangiiyeo umaafika, nami natsaka kuiḍya hi jila ya Pasaka nyumbani mwako pfamodza na wanafund̯i wangu.’ ”

Matayo 9:18

Yesu epfoakinena hivi, kendejwa ni muntu mumodza eyekuwa mukuu jwa *sunagogi. Huyuḍe muntu epfokwenda kamuvunzia nkuhi Yesu na kamwamba, “Ḅwana, mwanamuke wangu kahuna nsoho saambi. Ela nimanya kwamba ukyenda ukimupfaza mukono anafufuka.”

Marko 10:17

Yesu epfoakinuka kuḍabva charoche, kunuka muntu mumodza kamud̯aramia kenda kamuvunzia nkuhi, kisa kamuuza kamwamba, “Mwaalimu mwema, inanimala nihende kintu ga, ili niweze kuwa na maisha ya kuunga na yuungo?”

Marko 5:22

Na hapfo kudza mukuu mumodza jwa *sunagogi eyeakihanwa Yairo. Epfomuona Yesu kamugwiya maguuni.

Luka 8:49

Yesu asidzakwisa kunena, kudza muntu kuyawa nyumbani kwa Yairo na kamwamba Yairo, “Huyu mwanamukeo kesakufwa, nkudzomusumbuwe Mwaalimu amaale.”

Yohana 11:21

Marit̯a epfot̯ongana na Yesu kamwamba, “Ḅwana, t̯ambere wewe undeewa upfo hapfa, huyu ndugu yangu nkandeefwa.

Yohana 11:25

Yesu kamwamba, “Mimi ndimi niyenafufuya wantu na kuwapfa maisha kawii. Muntu anihikiziyee mimi, hat̯a akifwa huyo anaishi kawii.

Yohana 11:28

Marit̯a epfonena hivi akyendaakisa, kenda kamukuntia geri Maria na kamwamba, “Mwaalimu kadza na kakukuhanani.”

Yohana 11:32

Maria kenda mumpaka hapfaḍe pfa Yesu epfokuwa. Epfofika akimuona, kamugwiya maguuni na kamwamba, “Ḅwana, t̯ambere wewe undeewa upfo hapfa, huyu ndugu yangu nkandeefwa.”

Yohana 11:39

Yesu kawamba hawa wantu, “Ḍiperuyeni-peruyeni hiḍi iwe muḍinuye.” Ela Marit̯a kamwamba, “Ḅwana, ae e saasambi nkaawa kununkani fara? Hangu akizikwa yeo ni nsiku yane.”

Yohana 5:25

Hachi nyakumwambiani, ngera zakudzani na hat̯a zimaafika, ambapfo hawaḍe wafwiyeo kiruhu wanaisikia saut̯i yangu mimi Mwana jwa Muungu. Na hawaḍe wadzeoisikia na kuit̯ii, wanaishi.