Marko 4:34 - Pokomo

³⁴ Yesu nkakunena na hawa wantu kiḍechonse pfasipfo mainganyo. Ela epfokuwa ndiye jeje na wanafund̯iwe wao heket̯u, ekiwaimusya maana ya haya mainganyo.

Marko 4:34 Iomraidhean Croise

Matayo 13:34

D̯ubva haya haya mayongweezo yonse, Yesu kayawasumwiiya wantu na mainganyo. Na kula epfoakisumwiiya t̯ut̯a ya wantu, ekiwasumwiiya na mainganyo.

Marko 4:10

Yesu epfosaa jeje na wanafund̯iwe kumi na wawii na wantu wangine weowakimuuḅa, wamuuza dzuu ya haya mainganyo.

Marko 4:33

Yesu kawasumwiiya wantu chuuwo na mainganyo yangine menji dzayahaya. Kawasumwiiya chima wawezeyecho kusikiiya.

Luka 24:27

Na Yesu kaweleza yonse yorejweyo matsoroni dzuu yakwe. Kaḍabva na hangu vyuo vya Musa mumpaka matsoro yonse ya manabii wangine.

Yohana 10:6

Yesu kanena hiḍi inganyo, ela hawa weowakimusikiiya ntawakuimuka kwamba ekinena kintu ga!

Yohana 16:25

Haya haya mambo niyamwambia na mainganyo, ela kudzafika ngera ya kwamba sikudzanena nanywi na mainganyo kawii. Nidzanena nanywi na lugha ya kuimukika tswee dzuu ya Baba.

Mahendo 28:23

D̯ubva wahuniyana nsiku ya kut̯ongana na Paulo, na hiyo hiyo nsiku kwenda wantu wenji hapfa pfa Paulo epfoakikaa. Hangu magura hat̯a mioro kanena nao na kuwaimusya dzuu ya Uhaju wa Muungu. Kaḍema kuwahendeza wahikize maagu dzuu ya Yesu akitumia *Sharia ya Musa na matsoro ya manabii, kuyanga ya kwamba haya eyokunenani nza hachi.