Marko 4:31 - Pokomo

³¹ Waa dza mbeju ya tsare imeeyeyo nkondeni. Gula ndiyo mbeju ndoḍo ya mwiso kahi ya mbeju zonse.

Marko 4:31 Iomraidhean Croise

Marko 4:30

Kawii Yesu kamba, “Uhaju wa Muungu hundeuinganya na kintu ga? Ambu hundeweleza na inganyo ga?

Marko 4:32

Ela ikimea inawa muhi mukuu kuchia mihi ingine yonse ya nkondeni. Mahambiye yanawa makuu na hat̯a nyuni nao wanakudza na kudzielekanyia vitsanza humu mahambini.”

Luka 17:6

Ela Yesu kawambukuya kawamba, “T̯ambere mundeewa na faro hat̯a iyo ndoḍo dza mbeju ya tsare, mundeweza kuwambia hu mukuju huu, ‘Kuka na mizini na ukameye ḅaharini!’ Nao undemusikia.”

Mahendo 19:20

Ndookomu, kwa nguvu za Ḅwana hichi chuuwoche chigija kud̯achaa na kuwa na nguvu.

Mahendo 2:41

Wenji wao wahikiza vyuuwovye na wat̯opyegwa. Kit̯aro cha wahikiza chongezeka na wantu chima cha elefu ntahu hiyo hiyo nsiku.

Mahendo 21:20

Wepfosumwiijwa hayo maagu, wonse wamushad̯a Muungu. Makisa wamwamba Paulo, “Kwakuonani ndugu, kwamba maelefu ya Wayahud̯i wagala wahikiza, na wakuigijani muno hi *Sharia yehu.

Mahendo 4:4

Kenge wantu wenji wasikiiyeo haya ya Pet̯ero na Yohana wasumwiiyeyo, wayahikiza. Ndookomu wayume wamuhikiziyeo *Kirist̯o wenjipfa hat̯a wafika chima cha elefu nsano.

Mahendo 5:14

Wake na wayume zaid̯i wamuhikiza Ḅwana, na hichi kit̯aro cha wahikiza chikuya.

Upfenuo wa Yohana 11:15

Kisa huyu malaika jwa fungahe kabiga hi t̯arumbet̯a yakwe. Na nisikia saut̯i nkuu mbinguni zikyamba, “Uhaju wa huju lumwengu uhenda uhaju wa Ḅwana jwehu na Mutsanwa jwakwe. Nae anat̯awala maishi na maishi.”