Marko 3:7 - Pokomo

⁷ Kisa Yesu pfamodza na wanafund̯iwe, wanuka wenda geri ya ziwa ḍya Galilaya. Na wantu wenji na wenji waḍabva kumuuḅa. Wangine wewa wayawa Galilaya, na wangine wayawa ḍyimbo ḍya Yud̯aya.

Marko 3:7 Iomraidhean Croise

Matayo 10:23

Mukikuntiswa d̯ina mudzi mumodza, d̯aramani mwende mudzi ungine. Hachi nyakumwambiani kwamba mimi *Mwana jwa Ad̯amu nakudza kaḅila ntamudzakwisa kuizinga midzi yonse ya Isiraeli.

Matayo 12:15

Yesu ewa kamanya haya ya hawa Mafarisayo weyowakipanga. Ndookomu kanuka kenda kungine, na t̯ut̯a nkuu ya wantu imuuḅa, nae kawapfonya hawaḍe wonse weokuwa wajwazi.

Matayo 12:16

Ela kawaseresa watseenena kwa wantu kwamba jeje ni ga,

Matayo 4:25

Ndookomu wantu wenji na wenji waḍabva kumuuḅa. Wangine wewa mbwa hiḍi hiḍiḍe ḍyimbo ḍya Galilaya, wangine wewa wayawa Yerusalemi na ḍanda zingine za ḍyimbo ḍya Yud̯aya. Wangine wao wewa wayawa sehemu iyoikihanwa, “Midzi Kumi,” na wangine wayawa ḍanda zingine ziizo ḍoombe ya tsana ya Yorod̯ani.

Marko 1:39

Ndookomu kazinga ḍyimbo ḍyonse ḍya Galilaya, akyenda na kusumwiiya *masunagogini na kuyavya wantu mpfepfo nzuka.

Marko 1:45

Ae huyuḍe muntu akidzaakinuka, kaḍabva kuḍisumwiiya hiḍi dzambo kula pfantu. Ndookomu maagu dzuu ya hiḍi dzambo yad̯achaa, hat̯a Yesu nkakuweza kunjia mudzi uḍewonse wazi wazi kawii. Ishinu kakaa kuntu chit̯u. Ela hat̯a vivyo wantu wamut̯it̯irikia kuyawa kula ḍanda.

Marko 3:20

Kisa Yesu na wanafund̯iwe wanjia nyumbani. Na kawii kut̯uut̯aa t̯ut̯a nkuu na nkuu ya wantu hat̯a Yesu na wanafund̯iwe ntawakupata namfasi ya kuḍya chakuḍya.

Marko 4:1

Yesu kaḍabva kuyongweeza kawii geri ya ziwa. Kwiwa t̯ut̯a nkuu na nkuu ya wantu hat̯a kaona kwamba heri anjie chomboni. Epfonjia kakaa chihako, na hawa wantu wakaa na hapfaḍe gubani.

Luka 23:5

Ela wongeza kumuḍia wamba, “Kakuyehani fuḍyo kahi ya wantu wa Yud̯aya nzima kwa mayongweezoye. Kaḍabva na Galilaya na sasa kamakudza na hapfa.”

Luka 6:12

Nsiku modza Yesu kenda murimani dzuu akayombe. Kamira hapfaḍe siku zima akimuyomba Muungu.

Luka 6:17

Yesu epfokwisa kutsana ntumiwe kasuka nao nsii ya hu murima. Epfosumama na wanafund̯iwe wenji na wenji, t̯ut̯a nkuu ya wantu imudzia kuyawa ḍanda zonse za Yud̯aya na Yerusalemi na midzi ya Turo na Sidoni iyokuwa geri ya ḅahari. Wewa wadza kusikiiya mayongweezo ya Yesu na wapate kupfonyegwa nd̯wari zao.

Yohana 7:41

Na wangine wamba, “Huyu ndiye huyu Masiya.” Ela wangine wamba, “Ayu Masiya anawezadze kuwa muntu jwa kuyawa Galilaya? Ntaiwezekane kaḅisa!

Yohana 7:52

Nao wamwambukuya wamwamba, “Munamba nawe u muntu jwa kuyawa Galilaya? Yayowe haya matsoro, nawe unaona ya kwamba ntaku *nabii eyenaweza kuyawa Galilaya.” [

Mahendo 17:10

Ipfofika siku t̯u, hawa wandugu wamugonzoza Paulo na Sila kwenda Beroya. Wepfofika, wenda sunagogini mwa Wayahud̯i.

Mahendo 17:14

Iyo saa hawa ndugu wamugonzoza Paulo hat̯a geri ya ḅahari, ela Sila na Timoteo wahafa Beroya.