Marko 16:17 - Pokomo

¹⁷ Na hivi vihambwiizo hivi vinauḅana na hawaḍe wahikiziyeo: Wadzayavya mpepfo nzuka kwa sari ḍyangu, na wadzanena na lugha ngeni.

Marko 16:17 Iomraidhean Croise

Marko 9:38

Yohana kamwamba Yesu, “Mwaalimu, huona muntu eyeakiyavya mpepfo nzuka kwa sariḍyo, naswi humuvingira, kwa kwamba si mumodza jwehu.”

Luka 10:17

Hawa wanafund̯i wauja na tsekea na wamwamba Yesu, “Ḅwana, hat̯a mpepfo nzuka zihut̯ii hwipfozibusa kwa sariḍyo.”

Yohana 14:12

Hachi nyakumwambiani, muntu akinihikiza mimi, anahenda mafara makuu ya kumakisa dza yayaḍe niyonahenda ambu hat̯a zaid̯i, koro mimi nyakuujani kwa Baba.

Mahendo 10:46

Koro wawasikia wakwakunenani na lugha garagara wakimushad̯a Muungu. D̯ubva Pet̯ero kamba,

Mahendo 16:18

Kahenda dza hivi kwa nsiku nyinji hat̯a vimut̯ut̯usa Paulo muno. Ndookomu Paulo kaiperukia hi mpepfo nzuka kayamba, “Nyakukuamuruni, kwa sari ḍya Yesu *Kirist̯o umuyawe huyu mwanamuke!” Iyo saa, hiḍe mpepfo nzuka imuyawa.

Mahendo 19:6

Paulo kawapfaza mikono, na Ruhu Mudheru kawasukia, nao wanena na lugha garagara na kusumwiiya maagu ya Muungu.

Mahendo 2:33

Kapfazwa dzuu hat̯a ḍanda ya mukono kuyume wa Muungu, na kapfokea Ruhu Mudheru dza vya Babajwe evyomuahid̯i. Ndookomu, mwichokuonani na kusikia hi hii saasambi ni huyu Ruhu Mudheru ayehejwe kwehu ni Yesu.

Mahendo 5:16

Na vit̯aro vya wantu wadza kuyawa midzi iizingiyeyo Yerusalemi. Wayeha wajwazi wao na hawaḍe weokuwa na mpepfo nzuka, na wonse wapfozwa.

Mahendo 8:7

Mpepfo nzuka ziwayawa wantu wenji huku zikiḅaa madzwi. Wantu wenji wahinamfiyeo na virema, nao wapfozwa.

1 Wakorint̯o 12:10

Muntu yungine huyu Ruhu anamumpa uwezo wa kuhenda mambo ya mafara, na yungine akamumpa t̯ola ya kusumwiiya haya ya Muungu aneneyeyo. Wangine nao, huyu Ruhu anawapfa uwezo wa kuyavyanya ugaragara wa t̯ola za kuyawa kwa Ruhu jwa Muungu na t̯ola zisizoyawa kwa Ruhu jwa Muungu. Wangine, huyu Ruhu anawapfa t̯ola ya kunena lugha ngeni na wangine akawapfa t̯ola ya kuimusya wantu maana ya hizi lugha.

1 Wakorint̯o 12:28

Humu tsanganikoni, Muungu katsana wantu. Wa d̯ura ni hawa *ntumi, wa pfii ni hawa weonasumwiiya Maagu ya Muungu, na wa hahu ni hawa waalimu. Kisa kuna na wahenda mambo ya mafara, wakiuḅwa ni hawaḍe weo na mat̯ola ya kupfoza wajwazi na hawaḍe weonaweza kusaiḍia wasiodziweza. Kisa kuna na hawaḍe weo na mat̯ola ya kusumamia wantu na hawaḍe weonaweza kunena na lugha ngeni.

1 Wakorint̯o 12:30

ambu ya kupfoza wajwazi, ambu ya kunena lugha ngeni, ambu ya kuimusya wantu haya yeyonanenwa na hizi lugha.

1 Wakorint̯o 13:1

Njia nyema ya mwiso kuchia hizi zingine ni hii: Hat̯a ninkiwa na t̯ola ya kunena lugha garagara za wanaad̯amu na za malaika, na huku si matsako kwa wangine, ḅasi kunena kwangu kwaa dza muiyo wa d̯eḅe hupfu ambu wa mbui iyokubigwani.

1 Wakorint̯o 14:2

Muntu eyenanena na lugha ngeni wantu ntawamuimuke. Kwa nguvu za Ruhu jwa Muungu huyu muntu ananena mambo yasiyoimukika. Kunena kwakwe ndiye na Muungu t̯u, nkanene na wantu wangine.