Marko 16:1 - Pokomo

¹ Nsiku ya *Sabato ipfochia, Maria Magid̯alena na Maria mamajwe Yakobo pfamodza na Salome, wenda waguya manunkanto ili wakauhiiye hu mwii wa Yesu.

Marko 16:1 Iomraidhean Croise

Marko 14:3

Nsiku modza yapfo, Yesu ewa mudzi wa Betania nyumbani mwa muntu eyeakihanigwa Simioni. Huyu huyu muntu d̯ura ewa kajwaa ujwazi wa kwanga. D̯ubva Yesu epfokaa kuḍyani, kwenda muke mumodza eyetsukuya nt̯upa ya mafuha ghali ya manunkanto. Kaifunguya hi nt̯upa kwa kuivunza hu muyomu, kisa kayamuhiiya Yesu humu kitswani.

Marko 14:8

Jeje kanihendea hiviḍe awezeyevyo kuhenda. Kanihiiya mafuha kwa kuut̯ayarisha hu mwii wangu kwa mazishi.

Marko 15:40

Kwiwa na wake weowakichimiza na jwa kuye. Wangine wao wewa ni Maria Magid̯alena, Maria mamajwe aḍe Yakobo muḍoḍo na Yusufu, pfamodza na Salome.

Marko 15:42

Iwa imaafika mioro, nsiku ya maelekanyo ya kuindiiya *Sabato.

Marko 15:47

Maria Magid̯alena na Maria mamajwe Yusufu wewa wapfaona hapfaḍe pfa Yesu azikijwepfo.

Marko 16:2

Na ipfofika chamukoche magura mapfema, nsiku ya d̯ura ya ḍyuma, hiḍi dzuwa ḍipfoḍikitsembuza, hawaḍe wake wenda hukuḍe mbeerani.

Marko 16:8

Ndookomu wayawa haraka na humuḍe mbeerani na wad̯arama, koro wewa wapatwa ni kihuko na wekihehema kwa oga. Njia nzima ntawakunena na yuḍejwonse kwa oga weokuwa nao.

Luka 23:54

Hihiiḍe nsiku iwa ni nsiku ya kudzielekanya kwa dzambo ḍye Sabato, na *Sabato iwa yaa hafufi kuḍabva.

Luka 23:56

Makisa wauja makwao na waelekanya manunkanto na mafuha ya marasha ya kwendaupfakaza hu mwiiwe. Ela nsiku ya Sabato wayavya hara dza vya Sharia ivyonawamala kuhenda.

Luka 24:1

Nsiku ya d̯ura ya ḍyuma, magura mapfema, hawaḍe wake wenda mbeerani. Watsukuya haya manunkanto weyoelekanya.

Yohana 19:25

Hafufi na hu muhi wa mpatsa wa Yesu apfatsikijweo, kusumama mamajwe, t̯ut̯ujwe, pfamodza na Maria mukaza Kileopa na Maria Magid̯alena.

Yohana 19:31

Hi hii nsiku iwa ni nsiku ya kudzit̯ayarisha kwa dzambo ḍya *Sabato. Na hi hii Sabato iwa ya kivyakwe, maanaye iwa injiiyana na Pasaka. Kwa hivyo hawa wayongozi wa Wayahud̯i, ntawekitsaka hi mii ya hawa wapfatsikijweo ikae pfapfaḍe mumpaka nsiku ya Sabato. Ndookomu wamwendea Pilato wamuyomba kwamba, hawaḍe wapfatsikijweo, wavunzwe-vunzwe maguu wapate kufwa haraka ne mii yao ipate kunujwa.