Marko 15:32 - Pokomo

³² At̯i ekidzihana *Kirist̯o, Haju jwa Waisiraeli. Mani nkaasuka na apfa muhini mwa mpatsa hi saasambi ili hupate kumuhikiza!” Hat̯a hawaḍe wapfatsikijweo pfamodza nae nao pia wamubaladhaiya.

Marko 15:32 Iomraidhean Croise

Matayo 1:17

Ndookomu haya haya masari yorejweyo, ni vivyazi kumi na vine hangu ngera ya Iburahimu mumpaka ngera ya haju D̯aud̯i. Na hangu ngera ya haju D̯aud̯i mumpaka ngera ya Wayahud̯i wahekejweyo na wakinjia kukaani Babeli, viwa ni vivyazi kumi na vine. Na hangu ngera wagaliyeyo kuyawa Babeli mumpaka kuvyajwa kwa huyu Masiya, pia viwa ni vivyazi kumi na vine.

Matayo 27:42

“Kapfonya wangine ela nkawezi kudzipfonya mwenye! At̯i huyu huyu ndiye ayu haju jwa Waisiraeli? Akisuka na hapfa muhini mwa mpatsa saambi hunamuhikiza!

Matayo 27:44

Hat̯a hawaḍe wevi wapfatsikijweo pfamodza na Yesu nao pia wamubaladhaiya dza vivyo.

Marko 15:26

Wahwaa kiḅao chorejwecho haya masit̯aki yakwe na wakibiga hapfaḍe muhini mwa mpatsa, dzuu ye kitswache. Hichi kiḅao chamba, “Haju Jwa Wayahud̯i.”

Marko 15:27

Na pia hawa asikari wapfatsika wevi wawii pfamodza na Yesu. Mumodza wamupfatsika mukono kuyume wa Yesu, na yungine wamupfatsika mukono tsonso.

Yohana 1:49

Natanaeli kamwamba, “Mwaalimu, hakika wewe u Mwana jwa Muungu ḍugha! Wewe u Haju jwa Isiraeli!”

Yohana 12:13

Ndookomu t̯ut̯a yonse ihwaa makinza ya mintende na yenda ikamut̯angere huku ikiḅaa madzwi ikyamba, “Muungu ashad̯we! Jeje awee kudzani kwa sari ḍya Ḅwana kavodhyegwa! Muungu namuvodhye Haju jwa Isiraeli!”

Warumi 3:3

Gula ni ḍugha kwamba wangine wao ntaweewa wahikizika kwa Muungu le. Ela hivyo hivyo ni kunena kwamba nae Muungu anavunza ahad̯i zakwe?

2 Timoteo 2:18

Hawa wantu wowii waiyatsa hi njia ya hachi, na wakunangani-nangani faro za hawa wahikiziyeo. Wanayongweeza kwamba, hu ufufuo si dzambo ḍidzeḍyohendeka, ela wanakwamba wisakuhendeka.