Marko 14:2 - Pokomo

² Ela wepfowakipanga wahuniyana kwamba watsevihenda ngera ye jila koro wekishoogea kwamba hawa wantu wanaweza kujumuya fuḍyo.

Marko 14:2 Iomraidhean Croise

Matayo 26:2

“Dza mumanyiyevyo, ḅaad̯a ya nsiku mbii inawa ni *Pasaka. Huo huo wakati, mimi *Mwana jwa Ad̯amu nidzaḍawanywa na nipfatsikwe muhini mwa mpatsa.”

Matayo 26:5

Ela wepfowakipanga wahuniyana kwamba watsevihenda ngera ye jila koro wekishoogea kwamba hawa wantu wanaweza kujumuya fuḍyo.

Marko 11:18

Hawa wakohani wakuu na waalimu wa *Sharia wepfosikia hivi vya Yesu ahendeyevyo, waḍabva kulacha njia ya kumuyaga. Ela wekimushooga kwa kwamba t̯ut̯a yonse ya wantu iwa itsakizwa ni haya mayongweezoye.

Marko 11:32

Na kawii hukyamba mamulaka ya Yohana ya kut̯opya wantu yayawa kwa wanaad̯amu, vinawadze?” Wekiwashooga hawa wantu, koro wonse wewa wahikiza kwamba Yohana ni *nabii.

Marko 14:1

Kwiwa kuhafa nsiku mbii ifike jila ya *Pasaka na ya mikahe isiyongizwa hamira. Wakohani wakuu na waalimu wa *Sharia amaale wekilacha njia ya kumugija Yesu na siri na wamuyage.

Marko 14:3

Nsiku modza yapfo, Yesu ewa mudzi wa Betania nyumbani mwa muntu eyeakihanigwa Simioni. Huyu huyu muntu d̯ura ewa kajwaa ujwazi wa kwanga. D̯ubva Yesu epfokaa kuḍyani, kwenda muke mumodza eyetsukuya nt̯upa ya mafuha ghali ya manunkanto. Kaifunguya hi nt̯upa kwa kuivunza hu muyomu, kisa kayamuhiiya Yesu humu kitswani.

Luka 20:6

Na kawii hukyamba mamulaka ya Yohana ya kut̯opya wantu yayawa kwa wanaad̯amu, t̯ut̯a yonse hii inahubiga na mawe, koro wahikiza kwamba Yohana ni *nabii.”

Luka 22:1

Jila ya mikahe isiyongizwa hamira iwa imaawa hafufi. Hi hii jila pia ikihanigwa *Pasaka.

Yohana 12:19

Na hawa *Mafarisayo kudzaona hivi, wambana, “Mwakuonani d̯ubva? Hachi hwakufwani ḅasi! Ae awa weokumuuḅani si lumwengu yuzima?”

Yohana 7:40

Hawa wantu wepfomusikia Yesu hivi aneneyevyo, wangine wao wamba, “Hakika huyu muntu huyu, ndiye huyu nabii hwiyehukimuindiiya.”