Marko 12:36 - Pokomo

³⁶ Koro D̯aud̯i jeje mwenye kayongojwa ni Ruhu Mudheru na kanena kamba, ‘Ḅwana kanena na Ḅwana jwangu kamwamba, ikaa mukono wangu wa kuyume, hat̯a nidzepfowangiza nyabvao mikononi mwako.’ ”

Marko 12:36 Iomraidhean Croise

Matayo 5:35

Ukyamba, ‘Nyakuyapfani kwa kulamba mutsanga,’ pia unawa kumuyapfia Muungu, kwa kwamba hapfa nsi ndipfo pfa hizi nyajoze zipfonaranga. Na ukyamba, ‘Nyakuyapfani kwa mudzi wa Yerusalemi,’ navyo pia unawa kumuyapfia Muungu, kwa kwamba Yerusalemi ndiwo mudzi wa Muungu eye Haju jwa mahaju.

Mahendo 1:16

Kamba, “Wandugu zangu, haya yorejweyo kuzimuni mwa haya matsoro madheru yewa ni had̯i yat̯imiye. Ruhu Mudheru kamuhendeza D̯aud̯i kunena dzuu ya Yud̯a. Kayavya unabii wa haya ya Yud̯a andeyohenda, huyu ayongoweyee wantu wadzeowakimugija Yesu.

Mahendo 28:25

Kwa kwamba wasidzanuka wagawikana haya mat̯aro, Paulo kawamba, “Huyu Ruhu Mudheru kanena hachi, epfonena na kanwa ka *nabii Isaya kwa wabibi zenu.

1 Wakorint̯o 15:25

Koro Kirist̯o ni had̯i at̯awale mumpaka hapfaḍe pfa Muungu adzepfowashinda nyabvawe na awagise nsii ya nyajoze.

2 Timoteo 3:16

Matsoro yonse yana nguvu za Muungu, na yana maana kwa kuyongweezea, kumukanyia muntu, kumuyangia muntu njia na kwa kumufundia muntu apate kuishi maisha ya kumutsakiza Muungu.

Waeburania 1:13

Na Muungu nkakwambia malaika jwakwe yuḍejwonse amwambe, “Ikaa mukono wangu wa kuyume, hat̯a nidzepfowangiza nyabvao mikononi mwako.”

Waeburania 4:7

D̯ubva Muungu kaweka nsiku yehu ya kunjia kuntukwe kwa kuyavya hara, na hiyo hiyo nsiku ni yeo. Myaka na myaka ḅaad̯aye, Muungu kanena dzuu ya hi hii nsiku kuchiiya na kwa D̯aud̯i aneneye matsoroni akyamba, “Mukiisikia saut̯i yakwe yeo, namutseihendeza myumu myojo yenu.”

1 Pet̯ero 1:11

walacha na kut̯apakura na hiḍu dzuu ya hiḍi hiḍi dzambo. Walacha kumanya kwamba ni muntu ga ambu ni ngera ga, za ayu Ruhu jwa Kirist̯o ezoakinena, epfoakiwamba wat̯aḅiri dzuu ya d̯ina adzezokunta Kirist̯o, na maremboni adzemonjia ḅaad̯aye.

2 Pet̯ero 1:21

Koro ntaku unabii uḍewonse udziyeo kwa miro ya mwanaad̯amu. Kenge hawa manabii wayongojwa ni Ruhu Mudheru, na wanena vyuuwo viyawiyevyo kwa Muungu.