Marko 12:34 - Pokomo

³⁴ Yesu epfoona kwamba huyu mwaalimu jwa Sharia kambukuya na ukaro kamwamba, “Wewe nkukwaa kuye na Uhaju wa Muungu.” Na ḅaad̯a ya hapfo, ntaku yuḍejwonse agafiiye kumuuza Yesu swali ḍiḍeḍyonse kawii.

Marko 12:34 Iomraidhean Croise

Matayo 12:15

Yesu ewa kamanya haya ya hawa Mafarisayo weyowakipanga. Ndookomu kanuka kenda kungine, na t̯ut̯a nkuu ya wantu imuuḅa, nae kawapfonya hawaḍe wonse weokuwa wajwazi.

Matayo 12:20

Nkat̯okudzawayaga mojo hawaḍe weo wadhaifu, wala hawaḍe weo na katsemeela ka madzikwat̯yo, hat̯a hapfaḍe adzepfoshinda na kuit̯imiza miro yangu.

Matayo 22:46

Yesu epfowauza hivi ntaku hat̯a mumodza ambukwiiye chuuwo. Na hangu hihiiḍe nsiku, ntakukuwa na yuḍejwonse agafiiye kumuuza chuuwo kawii.

Luka 20:40

Ndookomu ntawakuweza kumuuza kiḍechonse kawii.

Warumi 7:9

Mimi mwenye nipfokuwa sidzaihambuya hi Sharia, nikidziona dza kwamba nyakuishini urembo. Ela nipfokudza ninkiimanya hi hii amuri, nabvise nayo ifufuka na iniyaga kiruhu.

Wagalatia 2:19

Mimi nami, nikiishi nsii ya hi Sharia, ela nifungujwa na humu Shariani nipate kumuishia Muungu.

Wakolosai 4:6

Mukwakunenani nao, nenani nao na umpowe, wapate kunuhika na hivi vyuuwo mwivyonanena. Ndookomu nanywi munamanya namuna ya kwambukuya kula muntu.