Marko 11:4 - Pokomo

⁴ Hawa wanafund̯i wenda na waona mwana hare afungijwee pfantu pfa musita, nze ya muḍyango wa nyumba, nao wamufunguya.

Marko 11:4 Iomraidhean Croise

Matayo 21:2

“Endani huḍe mudzi wiwo usoni yenu. Mukwakuunjiani t̯u, munaona hare na mwanawe. Hiḍi hare ḍinawa kwamba ḍifungwa. Ḍifunguyeni muḍihwae na mwanawe muḍiyehe.

Matayo 26:19

D̯ubva hawa wanafund̯i wahenda dza viviḍe vya Yesu awambiiyevyo. Wenda humuḍe mudzini na wakielekanya hichi chakuḍya che Pasaka.

Marko 11:3

Na yuḍejwonse adzeyemuuza maana mwiyokumufungwiiyani, nywinywi mwambeni, ‘Ḅwana ana shuuli nae, kisa anamugalicha saambi.’ ”

Marko 11:5

Kwiwa wantu weosumama hafufi. Nao wawauza hawa wanafund̯i wawamba, “Ayo mwana hare mwakumufungwiiyani?”

Yohana 2:5

Ela mamajwe Yesu kawamba hawa wahumisi, “Kiḍechonse adzechomwambia nywinywi hendani.”

Waeburania 11:8

Kwa kwamba Iburahimu ewa kamuserefat̯a Muungu, Muungu epfomwamba anuke na kwao ende hiḍe nsi aahid̯iyeyo kuimumpa, Iburahimu kat̯ii na kenda, hat̯a ingawa ewa nkaidzi hiḍe nsi.