Marko 1:5 - Pokomo

⁵ Wantu wenji wa kuyawa Yerusalemi na ḍanda zingine zonse za ḍyimbo ḍya Yud̯aya, wekyenda na kumusikiiya. Nao wepfoziungama nabvise zao, Yohana kawat̯opya tsana ya Yorod̯ani.

Marko 1:5 Iomraidhean Croise

Matayo 4:25

Ndookomu wantu wenji na wenji waḍabva kumuuḅa. Wangine wewa mbwa hiḍi hiḍiḍe ḍyimbo ḍya Galilaya, wangine wewa wayawa Yerusalemi na ḍanda zingine za ḍyimbo ḍya Yud̯aya. Wangine wao wewa wayawa sehemu iyoikihanwa, “Midzi Kumi,” na wangine wayawa ḍanda zingine ziizo ḍoombe ya tsana ya Yorod̯ani.

Marko 1:4

Na huyu ntumi ewa ni Yohana Mut̯opya. Kat̯upuka yuwandani akisumwiiya wantu kwamba, wapfyehuze mama na wat̯opyegwe ili Muungu apate kuwayatsia nabvise zao.

Marko 1:6

Yohana ekivwaa vwazi ḍya nsinga za ngamia, na ekidzifunga mulao wa nchingo chunoni mwakwe. Chakuḍyache kiiwa ni maghere na uchi.

Yohana 1:28

Haya haya yonse yahendeka mudzi wa Betania. Yahendeka ḍanda ya muyao dzuwa ya tsana ya Yorod̯ani, huku kwa Yohana ekoakit̯opya wantu.

Yohana 3:23

Yohana nae ekit̯opya wantu pfantu pfepfo pfakihanwa Ainoni, hafufi na Salemi, koro hapfaḍe pfantu pfewa na madzi menji na wantu wewa wagija kumwendea ili awat̯opye.

Yohana 5:35

Yohana ewa dza tsaa iyoikiyangaa, na nywinywi wenye mwiitsekezwa ni hivi vyuuwovye kwa muḍa, vivyokuwa dza muyanga kwenu.

Mahendo 19:18

Wenji wa hawa wahikiza wadza wagwa matsowa wekeani tswee kwa dzambo ḍya haya mazuka wahendeyeyo.

Mahendo 2:38

Pet̯ero kawambukuya kamba, “Pfyehuzani mama, kula mumodza jwenu, na mut̯opyegwe kwa sari ḍya Yesu Kirist̯o ili mupate kuyatsijwa nabvise zenu. Nae Muungu anamumpa t̯olaye ya Ruhu Mudheru.

Yakobo 5:16

D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu.