Marko 1:45 - Pokomo

⁴⁵ Ae huyuḍe muntu akidzaakinuka, kaḍabva kuḍisumwiiya hiḍi dzambo kula pfantu. Ndookomu maagu dzuu ya hiḍi dzambo yad̯achaa, hat̯a Yesu nkakuweza kunjia mudzi uḍewonse wazi wazi kawii. Ishinu kakaa kuntu chit̯u. Ela hat̯a vivyo wantu wamut̯it̯irikia kuyawa kula ḍanda.

Marko 1:45 Iomraidhean Croise

Matayo 28:15

D̯ubva hawa asikari wazihwaa hizi fwedha wazipfegejwezo na wahenda dza viviḍe wambiijwevyo. Na hi hii nsuwe ndiyo id̯achaiyeyo kahi ya hawa Wayahud̯i hat̯a hiḍi hiḍi yeo.

Matayo 9:26

Ndookomu maagu dzuu yeḍihiḍi dzambo yad̯achaa hihiiḍe ḍanda yonse.

Matayo 9:31

Ela wakidzawakinuka wavid̯achasa kula pfantu hihiiḍe sehemu, wakisumwiiya wantu dzuu ya hayaḍe ya Yesu eyoakihenda.

Marko 2:13

Kisa Yesu kanuka kawii kenda geri ya ziwa ḍya Galilaya. Na kendejwa ni t̯ut̯a nkuu na nkuu ya wantu nae kaḍabva kuwayongweeza.

Marko 3:20

Kisa Yesu na wanafund̯iwe wanjia nyumbani. Na kawii kut̯uut̯aa t̯ut̯a nkuu na nkuu ya wantu hat̯a Yesu na wanafund̯iwe ntawakupata namfasi ya kuḍya chakuḍya.

Marko 3:7

Kisa Yesu pfamodza na wanafund̯iwe, wanuka wenda geri ya ziwa ḍya Galilaya. Na wantu wenji na wenji waḍabva kumuuḅa. Wangine wewa wayawa Galilaya, na wangine wayawa ḍyimbo ḍya Yud̯aya.

Marko 7:36

Yesu kawaseresa hawa wantu watseḍimwambia muntu hiḍi dzambo. Ela mala awasereseyeo ndiyo mala wagijiyeo kuḍid̯achasa zaid̯i hiḍi dzambo.

Yohana 6:2

Wekiuḅwa ni t̯ut̯a nkuu na nkuu ya wantu kwa dzambo ḍya haya mafara ya kumakisa ya Yesu ahendeyeyo ya kupfonya wajwazi.

Tito 1:10

Koro kuna wantu wenji wapinzani na weonawakulakula wenzao na vyuuwo visivyo maana, na hawa haswa ni hawa Wakirist̯o weokuwa wantu wa ḍini ya Kiyahud̯i.