Marko 1:32 - Pokomo

³² Mioroye, dzuwa ḍipfotswa, wantu wamuyehea Yesu wajwazi wonse, na hat̯a weokuwa na mpepfo nzuka.

Marko 1:32 Iomraidhean Croise

Matayo 4:24

D̯ubva kula pfantu, wantu waḍabva kunena wemawe, na shad̯umeaye ifika hat̯a ḍyimbo ḍya Siria. Wantu wamuyehea wajwazi weokuwa na nd̯wari za kula namuna. Hangu wantu weokuwa na mpepfo nzuka, weokuwa na vifofo, na hat̯a weohinamfa, wonse wayehegwa kwa Yesu awapfonye, nae kawapfonya wonse.

Matayo 8:16

Ipfofika mioro, wantu wamuyehea Yesu wajwazi wenji na wenji weokuwa na mpepfo nzuka. Nae Yesu ekiziyavya hizi mpepfo nzuka na kuwapfonya wajwazi wonse kwa kut̯amuka chuuwo t̯u.

Matayo 8:17

Hivi vihendeka ili hikiḍe chuuwo cha *nabii Isaya aneneyecho kit̯imiye. Nabii Isaya ewa kamba, “Jeje kayahunwiiya majwazi yehu, na kahupfonya kuyawana na nd̯wari zehu.”

Marko 1:21

Yesu na wanafund̯iwe wagija njia wenda hat̯a mudzi wa Kaperinaumi. Na ipfofika nsiku ya *Sabato t̯u, Yesu kanjia *sunagogini na kaḍabva kuwayongweeza wantu.

Marko 1:31

Nae kamwendea hapfaḍe t̯at̯ani, kamugija mukono kamunuya wima. Na iyo saa hi kanat̯a imuyatsa, nae kaḍabva kuwawekea chakuḍya.

Marko 3:2

Na pia kwiwa na *Mafarisayo weowakilacha dzambo ḍya kumusit̯aki naḍyo Yesu. D̯ubva wekimuchimiza waone kwamba anamupfonya huyu muntu na nsiku ya Sabato ambu hat̯a.

Luka 4:40

Dzuwa ḍikwakutswani, wantu wonse weokuwa na wajwazi wa nd̯wari garagara wawamuyehea Yesu. Nae kawawekea mikono kawapfoza wonse.

Luka 4:41

Kayavya wantu mpepfo nzuka nyinji. Hizi mpepfo nzuka zipfozikiwayawa wantu zikiḅaa madzwi zikyamba, “Wewe u Mwana jwa Muungu!” Ela Yesu kazibusa na nkakuziruhusu zinene chuuwo kiḍechonse, koro ziwa zimanya kwamba jeje ndiye huyu *Kirist̯o.