Marko 1:27 - Pokomo

²⁷ Wantu wonse wamaka muno hat̯a waḍabva kuuzana wao na wao wakyamba, “Haya haya nayo ni mambo ga? Munamba ni mayongweezo mapfya? Huyu huyu muntu ana mamulaka yeyodze, ya kwamba hat̯a akiamuru mpepfo nzuka zimuyawe muntu nazo zinamut̯ii?”

Marko 1:27 Iomraidhean Croise

Matayo 15:31

Hawa wantu wamaka muno wakidzawakiona kwamba maḅuḅwi yakunenani, wahinamfiyeo wakupfonywani, vihewi wakwenendani, na ntumbu matso wakuonani! Ndookomu wamushad̯a Muungu jwa Isiraeli.

Matayo 8:9

Koro hat̯a nami nina wakuu wangu, na nina asikari weo nsii yangu. Ninkimwambia mumodza, ‘Enda,’ nae anakwenda. Ninkyambia yungine, ‘Nzoo,’ nae anakudza. Na ninkimwambia muhumwa jwangu, ‘Henda visiku,’ nae anavihenda.”

Matayo 9:33

Yesu epfoiyavya hiḍe mpepfo nzuka t̯u, huyuḍe muntu kaḍabva kunena. Wantu wamaka na waḍabva kunena wakyamba, “Hachi ntahudzaona mambo dzayahaya yahendeke pfaḍepfonse hi hii nsi ya Isiraeli!”

Marko 1:26

Hi mpepfo nzuka imuhehemesa na nguvu huyu muntu, kisa ibiga idzwi kuu na imuyawa.

Marko 1:28

Ndookomu sifa zakwe zivuma kula pfantu kuzimuni mwa ḍyimbo ḍya Galilaya.

Marko 10:24

Hivi vyuuwo viwamakisa muno hawa wanafund̯iwe. Ela Yesu kanena nao kawii kawamba, “Wanangu, ni vyumu muno kuunjia Uhaju wa Muungu!

Marko 10:32

Yesu na wanafund̯iwe wewa njiani kwenda Yerusalemi, jeje akiwa usoni yao. Hawa wanafund̯i wewa washiriwa, na hawa wantu wangine weowakimuuḅa wewa na oga muno. Yesu kawakuntia geri hawa wanafund̯iwe kumi na wawii na kaḍabva kuwambia kawii dzuu ya hayaḍe yadzeyomupata.

Marko 16:5

Wakidzawakinjia humu mbeerani, waona muurani avwaiye lot̯a dzeupe pee kakaa chihako mukono kuyume. Nao wamaka muno.

Marko 16:6

Nae kawamba, “Namutsemaka. Nimanya kwamba mwakumulachani Yesu jwa Nazareti apfatsikijwe. Ela hapfa nkapfo, kesakufufuka kuyawa kwa wafu. T̯apfayoweni hapfa pfantu epfowekwa.

Marko 7:37

Wantu wamaka muuno na wamba, “Kula eḍyonahenda ni dzambo ḍya kumakisa! Anahendeza hat̯a makurud̯ud̯u yakasikia na maḅuḅwi yakanena!”

Luka 4:36

Wantu wonse wamaka hat̯a waḍabva kuuzana wao na wao wakyamba, “Haya haya nayo ni mambo ga? Munamba huyu huyu muntu ana mamulaka na nguvu ziizodze, za kwamba akiamuru t̯u mpepfo nzuka zimuyawe muntu nazo zinamuyawa ḍugha?”

Luka 9:1

Yesu kawahana pfamodza hawa wanafund̯iwe kumi na wawii na kawapfa nguvu na mawezo ya kuyavya mpepfo nzuka zonse na kupfoza majwazi.

Mahendo 17:19

Ndookomu wamuhwaa Paulo, wenda nae kwa gasa iyonahanwa gasa ya Arepago, na wamwamba, “Hunatsaka uhwambiye haya mayongweezo mapfya wiyoukisumwiiya.