Mahendo 9:40 - Pokomo

⁴⁰ Pet̯ero kawayavya nomu chumbani wonse, makisa kavunza nkuhi kayomba. Kisa kachiperukia hichi kivimba na kamba, “Tabita, nuka wima!” Kapfenuya haya matsoye, na epfomuona Pet̯ero, kanuka chihako.

Mahendo 9:40 Iomraidhean Croise

Matayo 6:6

Wewe ukwakuyombani njia chumbani mwako ufunge muḍyangowo, na umuyombe Muungu sirini. Na jeje Babajo eyenaona hat̯a hayaḍe wiyonahenda mfitsoni, anakusikia.

Matayo 9:25

D̯ubva hawaḍe wantu wepfoyawa, Yesu kanjia humuḍe chumbani kamugija mukono huyuḍe mwanamuke, nae kasumama!

Marko 9:25

Yesu epfoona kwamba hi t̯ut̯a ya wantu yakwongezekani, kaibusa hi mpepfo nzuka kayamba, “Wewe mpepfo nzuka umuhendezeyee huyu muurani kuwa ḅuḅwi na kurud̯ud̯u, nyakukuamuruni umuyawe huyu muurani, na nku ruhusa ya kumugalia kawii!”

Luka 22:41

Makisa jeje kadzit̯anya na wanafund̯iwe, kenda hat̯uwa ya kwangukia gaga. Kavunza nkuhi na kayomba

Luka 8:54

Wepfonjia humuḍe chumbani mwa huyuḍe mwanamuke emokuwa, Yesu kamugija mukono, kamuhana kamwamba, “Mwanangu, nuka!”

Mahendo 20:36

Paulo epfokwisa kunena, kavunza nkuhi pfamodza nao wonse na kayomba.

Mahendo 21:5

Kenge muḍa wehu wa kukaa nao wipfosia hugija kwenda na charo chehu. Wahikiza wonse, na wakazao na wana wao, wahusindikiza hat̯a nze ya mudzi. Hwonse huvunza nkuhi hapfa geri ye ḅahari na huyomba.

Mahendo 28:8

Ise Pabulio ewa mujwazi jwa kanat̯a na humbo ḍya mwazi na ewa kat̯ambaara t̯at̯ani. Paulo kanjia humu chumbani mwakwe, kamuyombea, makisa kamuwekea mikono kamupfoza.

Mahendo 7:60

Makisa kavunza nkuhi na kaḅaa idzwi kuu kamba, “Ḅwana, nkudzoiwat̯alie nabvise yao hi!” Epfokwisa kunena haya kahuna nsoho.