Mahendo 9:19 - Pokomo

¹⁹ Epfoḍya chakuḍya, nguvu zimuujia. Sauli kakaa kwa nsiku kachuchu na hawa wanafund̯i hukuḍe Damasiko.

Mahendo 9:19 Iomraidhean Croise

Mahendo 11:26

Epfomuona, kenda nae Antiokia. Nao wowii wakaa na hiḍiḍe tsanganiko kwa mwaka muzima. Na wayongweeza kit̯aro kikuu cha wantu. Hukuḍe Antiokia ndiko kwa d̯ura kwa hawa wamuhikiziyeo Yesu wahanijweko Wakirist̯o.

Mahendo 11:29

Hawa wahikiza wahuna kwamba kula mumodza jwao ayavye chima awezeecho wawasaiḍie hawa wandugu weowakiishi Yud̯aya.

Mahendo 26:20

Nguzi d̯ura nyenda nisumwiiya Damasiko na Yerusalemi, makisa nidzanyenda kusumwiiyani na ḍanda zingine za ḍyimbo ḍya Yud̯aya na kahi ya wantu wa vyeet̯i vingine. Nisumwiiya kwamba wapfyehuze mama na wamuujie Muungu, na wahende mahendo ya kuyanga kwamba wapfyehuza mama.

Mahendo 9:18

Iyo saa, kugwa vija dza magamba nomu matsoni mwa Sauli na kaweza kuona kawii. D̯ubva kanuka wima na kat̯opyegwa.

Mahendo 9:26

Sauli epfokwenda Yerusalemi kaḍema kudzigijanisa na hawaḍe wanafund̯i. Ela wonse wekimushooga, koro wewa ntawadzahikiza kwamba kagala mwanafund̯i.

Mahendo 9:38

Mudzi wa Yopa ntawiiwa kuye na Lida. D̯ubva hawa wanafund̯i weokuwa Yopa wepfosikia kwamba Pet̯ero ka Lida, wamupfiikia ḍaamisa na wantu wawii wamwamba, “Rebva udze huku.”

Wagalatia 1:17

na wala sikwenda Yerusalemi kwa hawaḍe weokuwa ntumi usoni yangu. Ishinu, iyo saa nyenda nsi ya Araḅuni makisa nidzaniuja Damasiko.