Mahendo 9:17 - Pokomo

¹⁷ D̯ubva, Anania kenda kanjia humuḍe nyumbani, na kamuwekea mikono Sauli. Kamwamba, “Ndugu Sauli, Ḅwana kanihuma, Yesu mwenye akut̯upukiyee humu njiani wipfokuwa kudzani hapfa. Kanihuma ili upate kuona kawii na kudzazwa Ruhu Mudheru.”

Mahendo 9:17 Iomraidhean Croise

Matayo 19:13

Yesu kadza kayehejwa wana vichuchu awapfaze mikono na awayombeye. Ela hawa wanafund̯iwe wawavingira hawaḍe wawayeheyeo.

Marko 5:23

Kamuriria kamwamba, “Mwanamuke wangu muḍoḍo ka d̯uru ḍya mwiso! Nakuyomba ukamuweke mikono apate kupfona na aishi.”

Marko 6:5

Ndookomu nkakuweza kuhenda mafara makuu hapfo. Ela chakwe ahendeyecho chonse ni kwamba, kawawekea mikono wajwazi wachuchu t̯u na kawapfonya.

Luka 1:41

Mweedha Elizabeti epfosikia kedhya ya Maria, huyu mwana humu humboni katsumpa. Nae Elizabeti kadzazwa Ruhu Mudheru,

Luka 1:67

Zakaria, babajwe Yohana kadzazwa Ruhu Mudheru na kanena hayaḍe ya Muungu eyotsaka anene. Kamba,

Luka 1:76

Nawe mwanangu, unahanwa *nabii jwa Muungu awee dzuu. Unamuyongowa Ḅwana kuimuelekanyia njiaye.

Luka 15:30

Ela huyu mwanao anangie-nangie maliyo na mashudha makisa akiuja nyumbani, kumutsinzia huyu mwanangombe munono!’

Luka 15:32

Ni hachi kuhenda jila na kutsekea, koro niit̯ara ya kwamba huyu ndugujo ewa kafwa, ela katsi ka mojo. Ewa kaara ela sasa kaonekana.’ ”

Luka 2:11

Koro yeo, mudzini mwa D̯aud̯i, mumavyaijwa mupfonya, ndiye *Kirist̯o Ḅwana.

Mahendo 10:36

Hii ndiyo ḍaamisa ya Muungu apfiikiiyeyo wantu wa Isiraeli, akisumwiiya *Maagu Mema ya naghea kuchiiya kwa Yesu *Kirist̯o, eye Ḅwana jwa wantu wonse.

Mahendo 13:3

Wafunga na kuyomba. Wawapfaza mikono, makisa wawagonzoza.

Mahendo 13:52

Hawa Wanafund̯i weokuwa Antiokia wewa wadzajwa ni Ruhu Mudheru na wewa na tsekea nkuu.

Mahendo 19:6

Paulo kawapfaza mikono, na Ruhu Mudheru kawasukia, nao wanena na lugha garagara na kusumwiiya maagu ya Muungu.

Mahendo 2:4

Wonse wadzajwa ni Ruhu Mudheru na waḍabva kunena na lugha garagara, dza vya Ruhu awapfiyevyo kunena.

Mahendo 21:20

Wepfosumwiijwa hayo maagu, wonse wamushad̯a Muungu. Makisa wamwamba Paulo, “Kwakuonani ndugu, kwamba maelefu ya Wayahud̯i wagala wahikiza, na wakuigijani muno hi *Sharia yehu.

Mahendo 26:15

Nami niuza nyamba, ‘Awe ndiwe ga, Ḅwana?’ Na Ḅwana kambukuya kamba, ‘Mimi ndimi Yesu wiyekunionesani tsungu.

Mahendo 4:31

Wepfokwisa kuyomba, hapfa pfantu wat̯ut̯aiyepfo pfasukusika. Wonse wadzajwa ni Ruhu Mudheru na waḍabva kusumwiiya chuuwo cha Muungu pfasipfo oga.

Mahendo 6:6

Wawaweka hawa wantu usoni kwa hawa ntumi, nao wawayombea na kuwapfaza mikono.

Mahendo 8:17

Makisa Pet̯ero na Yohana wawapfaza mikono hawa wahikiza, nao wamupfokea Ruhu Mudheru.

Mahendo 9:18

Iyo saa, kugwa vija dza magamba nomu matsoni mwa Sauli na kaweza kuona kawii. D̯ubva kanuka wima na kat̯opyegwa.

Warumi 15:7

D̯ubva ikaani mukikaraḅishana vit̯aroni mwenu dza hiviḍe vya Kirist̯o amukaraḅishiyevyo uhajuni mwa Muungu, ili Muungu apate kushad̯wa.

1 Wakorint̯o 15:47

Huyu Ad̯amu jwa d̯ura kaumbwa na mutsanga wa hi nsi, na huyu Ad̯amu jwa pfii kayawa mbinguni.

1 Wakorint̯o 15:8

Mwiso kaḅisa, kanit̯upukia nami, mimi niye dza muntu nivyaijwee chiuntu.

1 Wakorint̯o 9:1

Munamba mimi sikwaa muntu huru hat̯a? Ambu munamba mimi sikwaa *ntumi hat̯a? Ayu Yesu Ḅwana jwehu, mimi sikumuona hat̯a? Dzaambia, nanywi nywinywi wenye, ntamukwaa matunda ye kazi yangu nimuhendeeyo Ḅwana?

1 Timoteo 4:14

Nkudzoyatse kuitumia hi t̯ola ya Ruhu upfegejweyo. Hi hii t̯ola iyanganywa hapfaḍe pfa hawa manabii wepfot̯aḅiri na hawa wazee wepfokupfaza mikono.

1 Timoteo 5:22

Nkudzorebve kumupfaza muntu mikono umuvodhye kwa kazi ya Ḅwana. Nkudzouwe na mukuruḅa na nabvise za wantu wangine, dziweke udheruni.

2 Timoteo 1:6

Ndiyo maana niyokukumbusyani, uitumie vya kut̯osa hi t̯ola ya Muungu akupfiyeyo, nipfokupfaza mikono.

Filemoni 1:16

Ela sasa si muhumwa t̯u, kenge ni ndugu mwenzehu amuhikiziye Kirist̯o. Mimi nimutsaka muno. Na nimanya ya kwamba, wewe unamutsaka zaid̯i, dza muhumwao na pia dza ndugu amuhikiziyee Ḅwana.

Waeburania 6:2

Ntahunamala kukaiya mayongweezo dzuu ya adha za kudzidheresa na mayongweezo dzuu ya kuwekea wantu mikono. Na wala ni kutsakaiya mayongweezo dzuu ya kufufujwa kwa wafu na dzuu ya hukumu isiyo mwiso iyokudzani.

2 Pet̯ero 3:15

Huku kuit̯isa kwa Ḅwana ekokumuit̯isiani, kuhwaeni dza namfasi eyokumumpani mupate kupfonyegwa, dza vya ndugu yehu mutsakwa Paulo amworeevyo kwa mvidhyo aipfegejweyo ni Muungu.