Mahendo 6:3 - Pokomo

³ D̯ubva wandugu zehu, tsanani wantu wafungahe weonahikizika kahi yenu, wadzazijweo Ruhu Mudheru na karo. Naswi hunawapfa hi hii kazi.

Mahendo 6:3 Iomraidhean Croise

Matayo 23:8

Ela nywinywi namutsekuḅali muntu amuhane mwaalimu, koro muna Mwaalimu mumodza t̯u, na nyonse mwaa sawa dza ndugu.

Yohana 21:23

Ndookomu kuḍabva kuzunguuka uvumi kahi ya hawa wahikiza kwamba, huyuḍe mwanafund̯i nkakwakufwa. Ela sivyo vya Yesu aneneyevyo. Jeje ewa kamba, “Ae ikiwa kwamba nitsaka akae mojo hat̯a nidzepfouja, hayo hayo yakumud̯a na?”

Mahendo 1:15

Hizihiziḍe nsiku, kwiit̯ut̯aa wantu wamuhikiziyeo *Kirist̯o chima cha gana modza na miyongo miwii. Pet̯ero kasumama kunena kahi yao.

Mahendo 1:21

D̯ubva ni had̯i hutsane muntu mumodza jwa kuungana naswi kuwambia wantu kwamba Ḅwana Yesu kafufuka kuyawa kwa wafu. Ni awe mumodza jwa hichi kit̯aro chehu chichochikigijana na Ḅwana Yesu ngera zonse, hangu ngera at̯opyejweyo ni Yohana hat̯a nsiku adzeyoakihwajwa kwenda mbinguni.”

Mahendo 10:22

Wao wamwambukuya wamwamba, “Mura Koronelio kahuhuma kwako. Jeje ni muntu mwema eyenamuyomba Muungu, na Wayahud̯i wonse wanamuhila muno. Kambijwa ni malaika jwa Muungu akuhane nyumbani kwakwe, akakusikiiye haya udzeyomwambia.”

Mahendo 15:23

Wawahuma na hii ḅaruwa: “Swiswi ndugu zenu ntumi na wazee, humukedhya nto nywinywi wandugu nyonse musiokuwa Wayahud̯i, mwiwokukaani Antiokia, Siria na Kilikia.

Mahendo 16:2

Hawa wandugu wa Lusitira na Ikonio wamunenea wema Timoteo.

Mahendo 2:4

Wonse wadzajwa ni Ruhu Mudheru na waḍabva kunena na lugha garagara, dza vya Ruhu awapfiyevyo kunena.

Mahendo 22:12

Hukuḍe kwiwa muntu muchuuwo eyeakihanwa Anania. Ewa muntu eyeakiuḅa hi Sharia yehu, na hawa Wayahud̯i wonse weowakiishi Damasiko wekimuhila muno.

Mahendo 28:14

Hukuḍe hwenda hut̯onga wahikiza, wahuyombeyeo hukae pfamodza nao kwa ḍyuma modza. Makisa hwenda Rumi.

Mahendo 6:2

Ndookomu hawa *ntumi kumi na wawii wakihana pfamodza kit̯aro chonse cha wahikiza na wawamba, “Si hachi kwehu kuyatsa kusumwiiya chuuwo cha Muungu hukaiye kuyowa haḍya za wantu.

Mahendo 6:5

Kit̯aro chonse cha wahikiza kitsakizwa ni hiḍi t̯aro. Ndookomu wamutsana Sit̯efano, muntu eyekuwa na faro nkuu na adzaiye Ruhu Mudheru. Wamutsana na Filipo, Porokoro, Nikanora, Timona, Paramena na Nikolao jwa kuyawa Antiokia eyenjia ḍini ya Kiyahud̯i.

Mahendo 6:6

Wawaweka hawa wantu usoni kwa hawa ntumi, nao wawayombea na kuwapfaza mikono.

Mahendo 9:30

Hawa wandugu wepfoḍimanya hiḍi dzambo, wamuhwaa Sauli, wamupfiika hat̯a Kaisaria na wamugonzoza ende T̯ariso.

1 Wakorint̯o 12:8

Huyu Ruhu anamumpa vyuuwo vya mvidhyo muntu huyu, na muntu yungine yuyo Ruhu mumodza anamumpa vyuuwo vya umanyi.

1 Wakorint̯o 16:3

Nikidza, nawapfa ḅaruwa za kuwamanyisa hawa wantu mutsaniyeo, kisa nawahuma wazipfiike hizi nt̯unu zenu Yerusalemi.

Waefeso 5:18

Namutsekaiya kuruma, koro ulevi unananga maisha yenu. Ishinu muyatseni huyu Ruhu amudzaze na nguvuze.

1 Timoteo 5:10

Na ni had̯i awe muke amanyikaniye kwa mahendoye mema, dza mahendo ya kuyeya wanawe urembo, kukaraḅisha wageni nyumbani mwakwe, kukosa maguu ya wantu wa Muungu, kugija wantu weo d̯inani, na kudziyavya kuhendea wantu kula aina ya hendo dzema.

Yakobo 1:17

Kula chicho chema na kisicho kapet̯a kinayawa kwa Muungu, aumbiye hiḍi dzuwa, mwezi na nyoha. Ela Muungu jeje nkakwaa dza hiḍi dzuwa, mwezi na nyoha, vivyonaperuka-peruka. Na wala nkakwaa dza vivwii vivyonaperuka-peruka!

3 Yohana 1:12

Wantu wonse wakunenani wema wa Demetirio. Na hat̯a namuna eyonakigija hichi chuuwo cha hachi, vinayanga kwamba ni muntu mwema. Naswi hwakwongezani na ushaahiḍi wehu, nawe mwenye kumanya ya kwamba hwichokunenani swiswi ni ḍugha.