Mahendo 6:1 - Pokomo

¹ Hichi kit̯aro cha wahikiza chipfogija kukuya, nyumae kujumuka matsowano kahi ya hawaḍe weowakinena Kiyunani na hawaḍe weowakinena Kieburania. Hawa Wayahud̯i weowakinena Kiyunani wamba kwamba wake wachiwa wao ntawekimuud̯amijwa kwa haḍya zao za kula nansiku.

Mahendo 6:1 Iomraidhean Croise

Matayo 23:13

Ela nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Nywinywi kuunjia Uhaju wa Mbinguni ntamu haḍya, na hawaḍe weokutsakani kuunjia nao pia mwakuwafungiyani watseunjia!

Mahendo 11:20

Ela wangine wa hawa wahikiza, wayawiyeo Kupuro na Ukirene, wenda Antiokia na wawasumwiiya na hawa wantu wa vyeet̯i vingine dzuu ya Ḅwana Yesu.

Mahendo 11:26

Epfomuona, kenda nae Antiokia. Nao wowii wakaa na hiḍiḍe tsanganiko kwa mwaka muzima. Na wayongweeza kit̯aro kikuu cha wantu. Hukuḍe Antiokia ndiko kwa d̯ura kwa hawa wamuhikiziyeo Yesu wahanijweko Wakirist̯o.

Mahendo 11:29

Hawa wahikiza wahuna kwamba kula mumodza jwao ayavye chima awezeecho wawasaiḍie hawa wandugu weowakiishi Yud̯aya.

Mahendo 2:41

Wenji wao wahikiza vyuuwovye na wat̯opyegwa. Kit̯aro cha wahikiza chongezeka na wantu chima cha elefu ntahu hiyo hiyo nsiku.

Mahendo 2:45

Koro wekiguza makonde yao na vija vyao, na kugawana hizi fwedha kahi yao wonse, kula muntu kwa chima cha haḍya yakwe.

Mahendo 2:47

Wekikaa na kumushad̯a Muungu, na weetsakwa ni wantu wonse. Ḅwana kagija kuchongeza hichi kit̯aro cha hawa wahikiza nsiku kwa nsiku, koro kula nsiku kwiwa wantu wangine weowakimuhikiza Ḅwana.

Mahendo 4:35

wakawapfa hawa ntumi, zikagawijwa kula mumodza, chima cha haḍya yakwe.

Mahendo 4:4

Kenge wantu wenji wasikiiyeo haya ya Pet̯ero na Yohana wasumwiiyeyo, wayahikiza. Ndookomu wayume wamuhikiziyeo *Kirist̯o wenjipfa hat̯a wafika chima cha elefu nsano.

Mahendo 5:14

Wake na wayume zaid̯i wamuhikiza Ḅwana, na hichi kit̯aro cha wahikiza chikuya.

Mahendo 5:28

Kawamba, “Ntahukumuseresa kwamba mutseyongweeza kwa sari ḍya Yesu? Ela t̯ayowani haya muhendeyeyo! Ishinu muidzaza Yerusalemi nzima na mayongweezo yenu. Na mwakutsakani kuhufwariza kwamba ndiswi humuyagiyeo!”

Mahendo 6:2

Ndookomu hawa *ntumi kumi na wawii wakihana pfamodza kit̯aro chonse cha wahikiza na wawamba, “Si hachi kwehu kuyatsa kusumwiiya chuuwo cha Muungu hukaiye kuyowa haḍya za wantu.

Mahendo 6:7

Ndookomu chuuwo cha Muungu kigija kud̯achaa kula pfantu. Chima cha wahikiza huko Yerusalemi chongezeka muno, na wakohani wenji wayahikiza haya *Maagu Mema.

Mahendo 9:29

Kanena na kuḍaat̯iana na Wayahud̯i weonanena Kiyunani, ela kut̯wa wekitsaka kumuyaga.

Mahendo 9:39

Ndookomu Pet̯ero kadzielekanya na kagijana nao. Epfofika, kahwajwa kapfiikwa humuḍe chumbani d̯arini dzuu. Hukuḍe, Pet̯ero karingwa ni wake wachiwa wenji wakiwa kuiyani na kumuyanga nkanzu welekanyijwezo ni Dokasi epfokuwa mojo.

Mahendo 9:41

Pet̯ero kamunyopezea mukono na kamugija asumame wima. Makisa kawahana hawa wantu wa Muungu na hawaḍe wake wachiwa, na kamuwapfa huyu muke akiwa mojo.

Warumi 12:7

Huyuḍe eye na t̯ola ya kuhumikia wangine, nawahumikie. Huyuḍe eye na t̯ola ya kuyongweeza wangine, nawayongweeze.

1 Wakorint̯o 10:10

Namutsewawaka dza vya wangine wao wahendeyevyo na wakiyagwa ni huyu malaika jwa mfwisa.

2 Wakorint̯o 11:22

Wakyamba wao ni Waeburania, nami pia ni Mueburania. Wakyamba wao ni Waisiraeli, nami pia ni Muisiraeli. Wakyamba wao ni kivyazi cha Iburahimu, nami pia ni kivyazi cha Iburahimu.

Wafilipi 3:5

Koro mimi ni Muisiraeli, jwa kyeet̯i cha Benyamini. Ni Mueburania libve na nihinywa nipfokuwa na nsiku nane. Kuhusu kuuḅa *Sharia ya Kiyahud̯i, mimi niwa ni Mufarisayo.

1 Timoteo 5:3

Wapfe ugijo wake wachiwa weo wachiwa hachi!

1 Timoteo 5:9

Muke muchiwa jwa kungizwa kwa hi orodha ya wake wachiwa wa tsanganiko, ni huyuḍe t̯u eye na myaka miyongo mihandahu na zaid̯i. Na ni had̯i awe ewa kahwajwa mweedha mumodza t̯u.

Waeburania 13:1

Gijani kutsakana dza ndugu Wakirist̯o.

Yakobo 1:27

Muntu jwa Muungu Baba jwehu eyenamuhwaa kuwa muntu muchuuwo jwa ḍugha na asiye t̯amba, ni huyuḍe eyenat̯unza wake wachiwa na wana wachiwa weo na d̯ina, na kudzit̯unza mwenye atsedzinanga kwa kuhenda mazuka ya wantu wa huju huju lumwengu.

Yakobo 4:5

Ambu avi vya aya matsoro yaneneyevyo yakyamba, “Huyu Ruhu jwa Muungu amuwekeye kuzimuni mwehu ni mwivu,” mwakut̯arani kwamba ni vyuuwo vya ḅasi?

Yakobo 5:9

Wandugu zangu, namutsekaiya kuwawakiana nywinywi na nywinywi mutsekudzahukumigwa. Manyani, huyu Muhukumu Mukuu kamaawa hafufi kudza!