Mahendo 5:2 - Pokomo

² Kenge Anania kadziwekea sehemu ya hizi fwedha, huku mukaziwe akiwa kavimanya tswee, makisa hizi zingine ndizo apfiyezo hawa *ntumi.

Mahendo 5:2 Iomraidhean Croise

Matayo 23:5

Kula wechonahenda wanakihenda ili wapate kudziyanga kwa wantu. Mikononi mwao na vidhangoni mwao wanadzifunga maḅambo makuu makuu yafungijweyo viḍinku vya haya matsoro madheru. Na haya mafundo ya haya manyala yeyonalelewa humu malot̯ani mwao, wanakaa na kuyahendeza mayeya mayeya ili wapate kuonekana.

Yohana 12:6

Yud̯a nkakunena hivi kwa dzambo ḍya kwamba ewa na muud̯ama ya masikini ḍugha, ela kanena hivi kwa kwamba, jeje ewa ndiye mut̯unza nkandi ya hawa wanafund̯i. Na ewa kabarat̯a kukaa na kuinyafura kachuchu kachuchu akaitumia kwa haḍya zakwe mwenye.

Mahendo 2:44

Hawa wamuhikiziyeo Kirist̯o wonse wakaa pfamodza dza ndugu, na kutumia kula wechokuwa nacho pfamodza.

Mahendo 4:37

Nae ewa na nkonde, na zizo ngera kaiguza, makisa hizi fwedha kaziwapfa hawa ntumi.

Mahendo 5:1

Ela kwiwa muntu sariḍye ndiye Anania. Ewa na muke eyeakihanwa Sifira. Nao waguza nkonde yao.

Mahendo 5:3

Pet̯ero kamuuza kamwamba, “Anania, kut̯i kumuyatsa Shaat̯ani auheke mojowo na akuhendeze umukulekule Ruhu Mudheru kwa kudziwekea sehemu ya hizi fwedha upatiyezo wipfoiguza hi nkondeyo?

Mahendo 5:8

Pet̯ero kamuuza kamwamba, “T̯anyambia, achi ndicho chima mupatiyecho, mwipfoiguza e nkonde yenu?” Ae kamwambukuya kamwamba, “Ee, ni hiyo mala.”

Wafilipi 2:3

Namutsehenda dzambo ḍiḍeḍyonse na umimi ambu kwa kulacha kudziona. Ela wani na myojo ya umpowe, mukiwahwaa wangine kuwa ḅora zaid̯i kumuchia nywinywi wenye.

1 Timoteo 6:10

Koro tsako ḍya kutsaka fwedha, ndiḍyo sina ḍya kula aina ya mazuka. Wantu wangine wapfajwa ni mwori wa kulacha fwedha mumpaka waiyekeza hi faro yao na mwiso wadzingiza sia ya mojo.