Mahendo 4:34 - Pokomo

³⁴ Ntaku eyekuwa na t̯uri wa kiḍechonse. Koro hawaḍe weokuwa na makonde ambu madzumba, wekiyaguza, na hizi fwedha

Mahendo 4:34 Iomraidhean Croise

Matayo 19:21

Yesu kamwambukuya kamwamba, “Ukitsaka kuwa muhachi usoni kwa Muungu enda ukaguze vyonse wivyonavyo, makisa hizi fwedha ukaziwapfe masikini, nawe unawa kwamba kudziwekea nkandi mbinguni. Ukisa kuhenda hivi, d̯ubva nzoo uniuḅe.”

Marko 10:21

Yesu kamuyowa huyuḍe muntu na matso ya matsako muno. Kisa kamwamba, “Kupfungukijwa ni dzambo modza t̯u. Enda ukaguze vyonse wivyonavyo, makisa hizi fwedha ukaziwapfe masikini, nawe unawa kwamba kudziwekea nkandi mbinguni. Ukisa kuhenda hivyo, nzoo uniuḅe.”

Luka 12:33

Guzani mwivyonavyo vyonse na hizi fwedha muziwapfe masikini. Dzilachieni mifuko ya fwedha isiyojara, na mudziwekeye nkandi mbinguni. Huko nkandi zenu zinawa pfantu pfema, koro ntaku wevi wadzeozifikia wala mafunzi ya kuzinanga.

Luka 16:9

Makisa Yesu kongeza kunena kamba, “Nyakumwambiani, dzilachieni waḅamu na fwedha za lumwengu huju, ili zidzepfomusiiya muhanwe makaoni mwa maishi.

Luka 22:35

Makisa Yesu kawauza wanafund̯iwe kawamba, “Nipfomuhuma pfasipfo fwedha, munkoḅa ambu nkoḅani, mwiipfungukijwa ni kiḍechonse?” Nao wamwambukuya wamwamba, “Hat̯a.”

Mahendo 2:45

Koro wekiguza makonde yao na vija vyao, na kugawana hizi fwedha kahi yao wonse, kula muntu kwa chima cha haḍya yakwe.

Mahendo 4:37

Nae ewa na nkonde, na zizo ngera kaiguza, makisa hizi fwedha kaziwapfa hawa ntumi.

2 Wakorint̯o 8:14

Na kwa kwamba hi hii saasambi muna kula kintu, ni urembo muwapfe ugijo hawaḍe weo na t̯uri, ili kwamba nanywi mudzepfowa na t̯uri, nao wakiwa navyo, wanamumpa ugijo. Ndookomu kwe hi njia kunawa na usawa,

1 Watesalonike 4:12

Mukihenda dza hivi hwivyokumwambiani, hawa wasiodzahikiza wakiyayowa haya maisha yenu, yanawahendeza wamuhile, na pia ntamuwe na haḍya ya kuemeeya muntu kwa haḍya zenu.

1 Timoteo 6:19

Kwe hi namuna wanadziwekea nkandi idzeyowa musinji wa nguvu wa maisha yadzeyokudza. Na ndipfo wadzepfodzipatia maisha ya ḍugha.

Yakobo 1:27

Muntu jwa Muungu Baba jwehu eyenamuhwaa kuwa muntu muchuuwo jwa ḍugha na asiye t̯amba, ni huyuḍe eyenat̯unza wake wachiwa na wana wachiwa weo na d̯ina, na kudzit̯unza mwenye atsedzinanga kwa kuhenda mazuka ya wantu wa huju huju lumwengu.