Mahendo 4:27 - Pokomo

²⁷ Ndivyo ḍugha, koro *Herod̯e, Pontio Pilato, wantu wa vyeet̯i na wantu wa Isiraeli wekudziana pfamodza humu mudzini, kumupfinga huyu muhumisi jwako mudheru, Yesu Masiya.

Mahendo 4:27 Iomraidhean Croise

Matayo 14:1

Hizihiziḍe ngera, haju *Herod̯e kapata maagu dzuu ya haya mambo makuu ya Yesu eyoakihenda.

Matayo 14:3

Herod̯e kanena hivi kwa kwamba ewa kamugija Yohana Mut̯opya na kamungiza gerenzani ili aweze kumutsakiza mukaziwe. Huyu huyu mukaziwe eyeakihanigwa Herod̯ia, d̯ura ewa ni muyamuwe, koro ewa mukaza Filipo, na hali Filipo na Herod̯e wewa ni ndugu. Herod̯e ewa kamuhwaa Herod̯ia na hali Filipo ewa ka mojo.

Matayo 14:6

Ela nsiku modza Herod̯e epfoakihenda jila ya kukumbuka kuvyajwa kwakwe, mwanamuke jwa Herod̯ia kavina urembo muno usoni ya hawa wageni wonse. Hivi vya huyu mwanamuke aviniyevyo vimutsakiza Herod̯e muno,

Matayo 21:28

Makisa Yesu kamba, “T̯aḍit̯arieni hiḍi inganyo hiḍi: Kwiwa na muntu mumodza eyekuwa na wana wawii. Nsiku modza kamuhana huyu hangafa kamwamba, ‘Mwanangu, yeo natsaka wende hukuḍe kwe nkonde ya mizabibu ukahende kazi.’

Matayo 23:37

Yerusalemi, e Yerusalemi! Mudzi wiwonayaga manabii na kuwabiga na mawe *ntumi wa Muungu! Ni myeedha myengaa nitsakiyeyo kuwatsanganya wantuwo pfamodza, dza hiviḍe vya nkuku evyonawafunamia wanawe nsii ya maḅawaye? Ela wewe kudziza!

Matayo 27:2

D̯ubva wamufunga-funga na wamupfiika kwa Pilato, eyekuwa liwali jwa Kirumi jwa ḍyimbo ḍya Yud̯aya.

Marko 10:33

Kawamba, “T̯asikiani, humaawa kwendani Yerusalemi. Hukuhukuḍe, mimi *Mwana jwa Ad̯amu nidzaḍawanywa kwa wakohani wakuu na waalimu wa Sharia, nao wadzanihukumu kuyagwa kisa waningize mikononi mwa wantu wa vyeet̯i vingine.

Marko 15:31

Hawa wakohani wakuu na waalimu wa Sharia nao pia wamubaladhaiya Yesu wakyambana, “Kapfonya wangine ela nkawezi kudzipfonya mwenye!

Luka 1:35

Huyu malaika kamwambukuya kamwamba, “Ruhu Mudheru kadzakusukia, na nguvu za Muungu awee dzuu zinakufinikiza dza kivwii. Na huyu mwana adzeyevyajwa anawa mudheru, na anahanwa Mwana jwa Muungu.

Luka 22:63

Hawaḍe wantu weowakimwamia Yesu wamubiga na kumubaladhaiya.

Luka 23:1

Makisa kit̯aro chonse cha wantu wanuka wamuhwaa Yesu, wenda nae kwa Pilato.

Luka 4:18

“Ruhu jwa Ḅwana ka dzuu yangu, ndookomu kanitsana niwasumwiiye makowesa *Maagu Mema. Kanihuma niwalalabviye wafungwa kufungujwa kwao, na kuona kawii kwa ntumbu matso, na kuwahendeza weokuonejwani watseonejwa kawii.

Luka 9:22

Makisa Yesu kawamba, “Mimi *Mwana jwa Ad̯amu ni had̯i nikuntiswe d̯ina muno na nidzizigwe ni wazee, wakohani wakuu na waalimu wa *Sharia. Nidzayagwa, ela nsiku ya hahu nidzafufujwa kuyawa kwa wafu.”

Yohana 1:11

Kadza nsini mwao, ela wantuwe wao wenye ntawakumupfokea.

Yohana 10:36

D̯ubva inawadze kwamba, mimi nikyamba ni Mwana jwa Muungu, mwakunyambani kwamba nyakukufuruni? Baba mwenye ndiye anitsaniye na akinihuma lumwenguni.

Yohana 18:28

Chamukoche, magura mapfema, Yesu kahwajwa kuyawa nyumbani kwa Kayafa, kapfiikwa makao makuu ya huyu liwali jwa Kirumi. Ela hawa Wayahud̯i wamupfiikiyeo ntawakunjia humuḍe kuzimu, kwa kwamba ntawekitsaka kutsaawa wadheru, watsowe kuiḍya hi jila ya *Pasaka.

Yohana 18:29

D̯ubva Pilato, huyu liwali jwa Kirumi, kawayawia huku nze na kawauza kawamba, “Ayu muntu ayu, mwakumusit̯akini na tsowa ga?”

Yohana 19:34

Ishinu mumodza jwa hawa asikari, kamusimika fumo ḍya mbavu na pfapfo kayawa mwazi na madzi.

Mahendo 10:38

Musikia dzuu ya Yesu jwa Nazareti, na namuna ya Muungu amutsaniyevyo kwa kumumpa Ruhu Mudheru na uwezo. Kwa dzambo ḍya kwamba Muungu ewa nae, Yesu kenda kula pfantu akihenda mambo mema na kupfonya wantu wonse wa Shaat̯ani angiziyeo mikononi.

Mahendo 2:27

Kwa kwamba wewe Muungu nkunaniyatsa lumwengu jwa wafu, nolawe nkunamuyatsa muhumisi jwako mwema kufwa awowe.

Mahendo 4:30

Gonzowa mukonowo kupfonya wajwazi. Henda vihambwiizo na mambo ya kumakisa kuchiiya kwa muhumisiwo mudheru, Yesu.”

Waeburania 7:26

Yesu ndiye huyu Mukohani Mukuu haswa hwiyenamala kuwa nae. Jeje ni mudheru, na nka t̯amba zuka wala nabvise. Kat̯engwa na wanabvise na kawekwa pfantu pfa hila nkuu mbinguni dzuu.