Mahendo 4:22 - Pokomo

²² Huyu muntu eyepfonywa ewa na zaid̯i ya myaka miyongo mine.

Mahendo 4:22 Iomraidhean Croise

Matayo 9:20

Wepfowakyenda, wadzijwa ni muke eyekuwa na ujwazi wa kukakanyika mwazi. Hu huu ujwazi ewa kamakaa nao kwa myaka kumi na miwii. Huyu muke ewa kamamat̯a kamba, “Amaa nikyenda nikiuhora au mutse weḍi lot̯a ḍya Yesu saapfowa?” D̯ubva kenda na nyuma kenda kauhora hu mutse wa hiḍi lot̯a ḍya Yesu.

Luka 13:11

Humo sunagogini kwiwa muke eyekuwa na mpepfo nzuka imumpiyeo nd̯wari ya myaka kumi na minane. Ewa kakutsika kumu na nkakuweza kudzigonzowa.

Yohana 5:5

Hiyo hiyo nsiku ya Yesu endeyeyo, mumodza jwa hawa wajwazi wat̯ambaariyeo humu maḅandani, ewa ni muntu eyekuwa kihewi kwa myaka miyongo mihahu na minane.

Yohana 9:1

Yesu epfoakichia, kaona muntu eyekuwa ntumbu matso hangu kuvyajwani kwakwe.

Mahendo 3:2

Hapfaḍe pfa hu muḍyango wa *Hekalu wiwoukihanwa Muḍyango Mwema, kwiwa muntu eyekuwa kihewi hangu kuvyajwani kwakwe. Kula nsiku ekitsukujwa akawekwa hapfa muḍyangoni, ili ayombe fwedha kwa hawaḍe wantu weowakikaa na kunjia Hekaluni.

Mahendo 4:21

Hi gasa iwakanya vyumuni, makisa iwayatsa wende. Ntawakuweza kuwahukumu, koro wantu wonse wewa kumushad̯ani Muungu kwa haya yahendekeeyo.

Mahendo 4:23

Pet̯ero na Yohana wepfoyatsigwa huru t̯u, wauja kit̯aroni mwao wenda wayavya maagu dzuu ya hayaḍe wambiijweyo ni hawa wakohani wakuu na wazee.

Mahendo 9:33

Hukuḍe kat̯ongana na muntu ahinamfiye eyeakihanwa Aneya. Nkakuweza kunanuka na hapfa t̯at̯ani kwa myaka minane.