Mahendo 26:4 - Pokomo

⁴ Hawa Wayahud̯i wonse wamanya namuna niishiyevyo hangu uḍyanani mwangu. Wamanya hangu ḍabvu namuna nikaiyeo maisha yangu yonse, nsini kwehu na Yerusalemi.

Mahendo 26:4 Iomraidhean Croise

Mahendo 22:3

“Mimi ni Muyahud̯i. Nivyajwa T̯ariso, mudzi wa Kilikia. Ela niyejwa hapfa hapfa Yerusalemi dza mwanafund̯i jwa Gamalieli. Niiyongweezwa muno kuit̯ii hi *Sharia ya hawa wabibi zehu weyowakiuḅa. Na niidziyavya muno kumuhumikia Muungu dza hivi vyenu mwivyokuhendani yeo.

Mahendo 24:14

Nisichoweza kukana usoni yako ni kwamba, mimi namuvunzia nkuhi Muungu jwa wabibi zehu kwa kuuḅa hi Njia ya Ḅwana ya hawa weyokwambani nza nsuwe. Nihikiza vyonse vyorejwevyo Shariani mwa Musa na kwa vyuo vya manabii.

Wagalatia 1:13

Musikia namuna niishiyevyo nipfokuwa muntu jwa ḍini ya Kiyahud̯i. Niiwakuntisa d̯ina muno wantu wa Muungu na kuḍema kuḍinanga hiḍi tsanganikoḍye.

Wafilipi 3:5

Koro mimi ni Muisiraeli, jwa kyeet̯i cha Benyamini. Ni Mueburania libve na nihinywa nipfokuwa na nsiku nane. Kuhusu kuuḅa *Sharia ya Kiyahud̯i, mimi niwa ni Mufarisayo.

2 Timoteo 3:10

Ela wewe Timoteo, kuyamanya haya mayongweezo yangu, kuumanya hu mwenendo wangu, na kuyamanya haya yeyonanimud̯a maishani mwangu na haya nihikiziyeyo. Kumanya namuna niit̯isiyevyo mya mya mad̯inani, kumanya namuna ya matsako yangu yaivyo na namuna niyonikidzimiza.