Mahendo 24:25 - Pokomo

²⁵ Kenge Paulo epfogija kunena dzuu ya kuwa muhachi, dzuu ya kudzimiza, na dzuu ya nsiku ya hukumu iyokudzani, Feliki kanjia oga na kamwamba, “Kwe saasambi le unaweza kwenda. Nalacha namfasi ya kukuhumia muntu ḅaad̯aye akuhane.”

Mahendo 24:25 Iomraidhean Croise

Matayo 22:5

Ela vivyo hawaḍe wantu wamupuudhya na wagija shuuli zao. Mumodza kenda nkondeni kwakwe na yungine kenda guzini kwakwe.

Yohana 16:8

Na adzepfokudza, kadzajuyanga huju lumwengu hi ya hachi dzuu ya nabvise, na dzuu ya kut̯alijwa hachi usoni kwa Muungu na dzuu ya hukumu.

Mahendo 10:42

Na kahwaamuru huwasumwiiye wantu haya Maagu Mema na huwayange kwamba ndiye huyu jwa Muungu atsaniyee kuwa muhukumu jwa wafu na weo mojo.

Mahendo 17:13

Ela hawa Wayahud̯i wa Tesalonike wepfosikia ya kwamba Paulo kasumwiiya chuuwo cha Muungu na Beroya nako, wenda wajumuya fuḍyo nkuu kahi ya hawa wantu.

Mahendo 17:2

Paulo kenda humuḍe sunagogini dza abarat̯iyevyo kuhenda. Kwa nsiku ntahu za *Sabato kaḍaat̯iana na hawa wantu, akitumia haya matsoro madheru.

Mahendo 17:32

Wepfomusikia Paulo akihadza mambo ya kufufuka kwa wafu, wangine wamubaladhaiya, ela wangine wao wamba, “Hunatsaka uhusumwiiye haya mambo kawii.”

Mahendo 2:37

Hawa wantu wepfosikia hivi, wanjijwa ni muhangaiko mukuu wa myojo. Ndookomu wamuuza Pet̯ero na hawa ntumi wangine, wawamba, “Ndugu zehu, huhendedze?”

Mahendo 24:15

Nina madzikwat̯yo kwa Muungu, dzao, ya kwamba wantu wonse, wema na wazuka, wadzafufuka kuyawa kwa wafu.

Mahendo 24:26

Ekimuhana Paulo na kunena nae kut̯wa akidzikwat̯ya ya kwamba Paulo andemumpa murunguura.

Mahendo 26:28

Agiripa kamwambukuya Paulo kamwamba, “Kwakut̯arani ya kwamba unaweza kunihendeza Mukirist̯o kwa hichi hichi kit̯emo kifufi?”

Mahendo 9:6

Ela nuka wima, wende huko mudzini udzekokwambijwa haya yakumaliyeyo kuhenda.”

Warumi 12:1

D̯ubva wandugu zanguni, kwa dzambo ḍya hivi vya Muungu ahufwiiyevyo t̯ei, nyakumuyombani muno kwamba mudziyavye kwakwe kaḅisa kaḅisa. Dziyavyeni kwa Muungu dza mvuugiya nd̯eru iyo mojo na iyonatsakiza usoni kwakwe. Hendani hivi kwa kwamba hi ndiyo njia halisi ya kiruhu ya kumuyomba Muungu.

Warumi 14:12

Ndookomu kula mumodza jwehu kadzayavya hesaḅu ya mahendoye jeje mwenye usoni kwa Muungu.

Warumi 2:16

Ndookomu hivi hivi ndivyo vidzevyowahendekea hiyo hiyo nsiku ya Muungu adzeyowahukumu wanaad̯amu kwa dzambo ḍya haya mambo weyonafitsa myojoni mwao. Kuuḅana na hi Injili niyonasumwiiya, Muungu kadzawahukumu wanaad̯amu wonse kuchiiya na kwa *Kirist̯o Yesu.

1 Wakorint̯o 4:5

D̯ubva, namutsemukizia muntu hukumu ngeraye isidzafika. Ḅwana ndiye adzeeyavya hukumu nsiku adzeyokudza. Kadzayayavya wekeani tswee hayaḍe yafitsijweyo kizani, na kadzaziyavya nze tswee hizi t̯amaa za myojo ya wanaad̯amu. Kisa kula muntu, Muungu mwenye kadzamumpa hi shad̯umeaye eyonamala kupfegwa.

2 Wakorint̯o 5:10

Koro hwonse ni had̯i hudzehusumame usoni ya *Kirist̯o, muhukumu jwehu. Jeje anahukumu kula mumodza jwehu na kumumpa t̯ubvo ambu adhaḅu dza evyonamala, akiyowa mahendo mema ambu mazuka ya muntu ahendeyeyo kuzimuni mwa maisha yakwe hapfa lumwenguni.

2 Wakorint̯o 6:2

Koro Muungu kamba, “Chiiyocho nikisikia na wakati mwema, na nsiku ya kukupfonya nikupfa ugijo.” D̯ubva, hu huu ndiwo wakati mwema. Yeo ndiyo nsiku ya Muungu ya kukupfonya.

Wagalatia 3:22

Ela haya matsoro yamba kwamba, lumwengu yuzima jwaa kifungoni mwa nabvise. D̯ubva Muungu kaweka ahad̯i ya huyu Ruhu kwa hawaḍe wamuserefat̯iyeo Yesu Kirist̯o.

Wagalatia 5:23

umpowe na kudzimiza. Ntaku Sharia iyonayadziza haya haya mambo.

2 Timoteo 4:1

Kwa dzambo ḍya kudza kwa *Kirist̯o Yesu dza haju, nyakukuamuruni usoni kwa Muungu na kwa Yesu Kirist̯o, adzeewahukumu weo mojo na wafwiyeo:

Tito 1:8

Ishinu, ni had̯i awe muntu jwa kukaraḅisha wageni nyumbani mwakwe, na awe muntu atsakiye mema. Ni had̯i awe muntu jwa kudzimiza, muntu jwa kuhenda yeyo ya hachi, muntu mudheru na muntu jwa kuwa na chima.

Waeburania 12:21

Haya mambo yewa ya kushoogesa muuno, hat̯a Musa nae kamba, “Nyakuhehemani maanaye viningiza oga.”

Waeburania 3:13

Ishinu fundanani kula nansiku, chima cha “Nsiku ya yeo” ivyopfo, ili kutseewa hat̯a mumodza jwenu jwa kukulika-kulika na nabvise na auhendeze mojowe kuwa mumu.

Waeburania 4:1

Hi ahad̯i ya Muungu ya kuhupfiika hiḍe nsi ya kuyavya hara, amaale ipfo. D̯ubva nahuchimizeni, kutsekudzawa hat̯a mumodza jwenu jwa kuonekana kwamba kashindwa kuinjia hi nsi ya kuyavya hara.

Waeburania 6:2

Ntahunamala kukaiya mayongweezo dzuu ya adha za kudzidheresa na mayongweezo dzuu ya kuwekea wantu mikono. Na wala ni kutsakaiya mayongweezo dzuu ya kufufujwa kwa wafu na dzuu ya hukumu isiyo mwiso iyokudzani.

Waeburania 9:27

Mwanaad̯amu korejwa kufwa mweedha mumodza t̯u, kisa adzeasumame hukumuni.

Yakobo 2:19

Wewe kuhikiza kwamba kuna Muungu mumodza t̯u, sivyo? Haya, gula ni sawa! Ela hat̯a mpepfo nzuka nazo, zihikiza kwamba kuna Muungu mumodza na zinakuka kuhehema na oga.

1 Pet̯ero 3:15

Ishinu muhileni *Kirist̯o koro ndiye huyu Ḅwana jwenu. Saa zonse wani t̯ayari kumusumwiiya muntu yuḍejwonse adzeemuuza dzuu ya haya madzikwat̯yo yenu mwiyonayo.

2 Pet̯ero 1:6

Na zaid̯i ya kumumanya Muungu, ni had̯i muwe wantu wa kudzimiza na t̯amaa zenu. Na namutseewa wantu wa kudzimiza t̯u, ela wani pia na wantu wa kuit̯isa mad̯inani. Na mukimaawa wantu wa kuit̯isa, ni had̯i muishi maisha ya kumutsakiza Muungu.

1 Yohana 3:10

Ugaragara kahi ya wana wa Muungu na wana wa Shaat̯ani hunaumanya hidzaa: yuḍejwonse asiyehenda yeyo ya hachi, ambu yuḍejwonse asiyemutsaka ndugujwe, huyo si mwana jwa Muungu.

1 Yohana 3:7

Wanangu, muntu natsemukulakula! Yuḍejwonse eyenahenda yeyo ya hachi, ni muhachi dza vya Kirist̯o aivyo muhachi.