Mahendo 23:12 - Pokomo

¹² Chamukoche magurani, Wayahud̯i wangine wat̯ut̯aa pfamodza na wahenda mupango wa kumuyaga Paulo. Waḍya muma wa kutsaaḍya ambu kunwa kiḍechonse hat̯a wadzepfomuyaga Paulo.

Mahendo 23:12 Iomraidhean Croise

Matayo 26:4

Wahenda mashauri kwamba wamugije Yesu na siri na wamuyage.

Matayo 26:74

Pet̯ero kayapfa kamba, “Hachi nayapfa usoni kwa Muungu kwamba huyo huyo muntu simudzi! Na ikiwa kwamba nyakunenani nsuwe, ḅasi Muungu nanihukumu!” Na iyo saa nkuku kawika.

Matayo 27:25

Na hawa wantu waholoka wamba, “Hu mwaziwe nawiiye dzuu yehu na wana wehu!”

Mahendo 23:13

Kwiwa wantu zaid̯i ya miyongo mine weopanga hivi pfamodza.

Mahendo 23:14

Makisa wawaḍaabvat̯a hawa wakohani wakuu na wazee wa Kiyahud̯i wenda wawamba, “Huḍya muma pfamodza wa kutsaaḍya kiḍechonse hat̯a hudzepfomuyaga Paulo.

Mahendo 23:21

Ela nkudzowafwanye, kwa dzambo ḍya kwamba kuna zaid̯i ya wantu miyongo mine wadzeodzimufitsia kumuinda jeje. Waḍya muma wa kutsaaḍya ambu kunwa hat̯a wadzepfomuyaga Paulo. Hivi wa t̯ayari kuvihenda, wakuindiiyani chuuwocho t̯u.”

Mahendo 23:30

Na nipfomanyiswa ya kwamba Wayahud̯i wangine wakuhendani mipango ya kumuyaga, nihuna kumuyeha kwako. Niwamba hawa weokumusit̯akini Paulo, wayayehe haya masit̯aki yao kwako.”

Mahendo 25:3

muno awakuḅalie kumupfiika Paulo Yerusalemi, koro wewa wesakumupangia kumuyaga humu njiani.

Mahendo 9:23

Kwipfochia kit̯emo kiyeya, hawa Wayahud̯i wahenda shauri ya kumuyaga Sauli.

Mahendo 9:24

Siku na musikahi wayamia hi miḍyango ya hu mudzi, wakimuindiiya wamuyage. Ela kapata mfunyenye ya haya wahuniyeyo kuhenda.

1 Wakorint̯o 16:22

Yuḍejwonse asiyemutsaka Ḅwana, huyo kaḍujwa. Ḅwana jwehu, nzoo!

2 Wakorint̯o 11:26

Kuzimuni mwa vyaro vyangu vinji na vinji, nit̯ongana na hat̯ari za kuvuka matsana yadzaiyeyo na hat̯ari za wadhara. Nit̯ongana na hat̯ari za Wayahud̯i wenzangu na za wantu wasikwaa Wayahud̯i. Nit̯ongana na hat̯ari midzini, mbandani, na ḅaharini. Na nit̯ongana hat̯a na hat̯ari za wantu weonadzihana Wakirist̯o, katsi huku sivyo.

Wagalatia 3:13

Ela Kirist̯o kahukombowa kuyawana na hiḍi ḍuo ḍye Sharia epfoḍidzihwaiya kwa dzambo ḍyehu. Koro vyoregwa kwamba, “Yuḍejwonse apfatsikijwe muhini, Muungu kamuḍuwa.”

1 Watesalonike 2:16

wakitsaka kuhuvingira naswi, hutsewasumwiiya hawa wantu wa vyeet̯i vingine ili wapfonywe. Na kwa kuhenda hivi, wagija kudziundukizia nabvise zao ziwe himpi. Ela sasa, Muungu kawarejea na kakuwahukumuni vyumuni!