Mahendo 22:4 - Pokomo

⁴ Niiwakuntisa d̯ina na kuwayaga hawa wantu weowakiuḅa hi Njia ya Ḅwana. Nikiwagija hangu wayume hat̯a wake na kuwangiza magerenzani.

Mahendo 22:4 Iomraidhean Croise

Mahendo 16:17

Ekimuuḅa Paulo naswi na kuḅaa madzwi akyamba, “Hawa wantu ni wahumisi wa Muungu awee dzuu! Wadzia kumulalabvia hivi mudzevyopfonywa.”

Mahendo 18:26

Kaḍabva kunena humuḍe sunagogini pfasipfo oga. Pirisila na Akwila wepfomusikia, wamuhwaa wenda nae nyumbani kwao na wamuimusya Njia ya Ḅwana urembo zaid̯i.

Mahendo 19:23

Hiyo ndiyo ngera kwipfojumuka fuḍyo nkuu Efeso kwa dzambo ḍya hi Njia ya Ḅwana.

Mahendo 19:9

Ela wangine wao wewa na musindiiyo na ntawakuhikiza. Wainenea mazuka Njia ya Ḅwana wekeani. Ndookomu Paulo kawayatsa na kanuka na hawa wanafund̯i. Na kula nsiku ekinena na hawa wantu nyumba ya mayongweezo ya muntu eyeakihanwa Turano.

Mahendo 24:14

Nisichoweza kukana usoni yako ni kwamba, mimi namuvunzia nkuhi Muungu jwa wabibi zehu kwa kuuḅa hi Njia ya Ḅwana ya hawa weyokwambani nza nsuwe. Nihikiza vyonse vyorejwevyo Shariani mwa Musa na kwa vyuo vya manabii.

Mahendo 7:58

wamugija, wayawa nae nze ya mudzi na wamubiga na mawe. Hawa mashaahiḍi waziyatsa nkanzu zao na muurani ahanijwe Sauli.

Mahendo 9:21

Wantu wonse wamusikiiyeo wamaka hat̯a waḍabva kuuzana wao na wao wakyamba, “Huyu huyu si ayu muntu eyeakiwahenga awa wantu weowakiyomba kwa sari ḍya Yesu hukuḍe Yerusalemi? Siye eyekudza awagije wantu dzao awapfiike kwa wakohani wakuu?”

1 Wakorint̯o 15:9

Koro kahi ya hawa ntumi wonse, ndimi muchuchu jwa mwiso. Na sinamala hat̯a kuhanwa ntumi, kwa kwamba niiḍikuntisa d̯ina hiḍi tsanganiko ḍya Muungu.

Wagalatia 1:13

Musikia namuna niishiyevyo nipfokuwa muntu jwa ḍini ya Kiyahud̯i. Niiwakuntisa d̯ina muno wantu wa Muungu na kuḍema kuḍinanga hiḍi tsanganikoḍye.

Wafilipi 3:6

Mimi niwa muhiḍu muno jwa kuḍikuntisa d̯ina hiḍi tsanganiko ḍya Muungu. Na dzuu ya kuonegwa muhachi kwa njia ya kuiuḅa hi Sharia ya Musa, ntaku muntu jwa kuniona na tsowa ḍiḍeḍyonse.

2 Pet̯ero 2:2

Hat̯a vivyo, wenji wa hawa wantu wahikiziyeo wadzat̯aḅa hi myenendo yao mizuka. Na kwa dzambo ḍya mahendo yao, wantu wadzainenea mazuka hi Njia ya hachi.