Mahendo 21:8 - Pokomo

⁸ Chamukoche hugonzowa na hufika Kaisaria. Hukuḍe hwenda hunjia nyumbani mwa Filipo, eyekuwa musumwiiya jwa *Maagu Mema, hwendeekohukikaa pfamodza nae. Ewa mumodza jwa hawaḍe wantu wafungahe watsanijweo Yerusalemi.

Mahendo 21:8 Iomraidhean Croise

Mahendo 10:1

Hukuḍe Kaisaria, kwiwa muntu mumodza eyeakihanwa Koronelio. Jeje ewa ni mura jwa kit̯aro cha asikari wa Kirumi kihanijwecho, “Kit̯aro cha Ut̯aliano.”

Mahendo 16:10

Paulo epfoona hi nzozi, ntahukukawa, hunjia kudzielekanyani kwenda Makedonia. Koro huona ya kwamba Muungu kakuhuyangani kwamba hwende hukawasumwiiye hawa wantu wa hukuḍe haya *Maagu Mema.

Mahendo 16:13

Nsiku ya *Sabato huuyawa hu mudzi hwenda geri ya tsana, hwipfot̯ara ya kwamba hunaona pfantu pfa mayombo pfa Wayahud̯i. Huona wake wahupfu wat̯ut̯aiyeo hapfaḍe, naswi hukaa chihako hunena nao.

Mahendo 16:16

Nsiku modza, hwipfohukyenda hukuḍe kuntu kwa mayombo, hut̯ongana na mwanamuke muhumwa. Ewa na mpepfo nzuka imumpiyeo kut̯aḅiri mambo yadzeyohendeka. Hawa wenye wekipata fwedha nyinji kwa dzambo ḍya kut̯aḅiri kwa huyu mwanamuke.

Mahendo 18:22

Epfofika Kaisaria kenda Yerusalemi kuḍikedhya hiḍi tsanganiko, makisa kenda Antiokia.

Mahendo 20:13

Huyongowa na chombo hwenda hat̯a Asosi, hapfa pfakwenda hukamuhwae napfo Paulo. Kahwamba huhende dza hivi kwa kwamba ewa kwendani hukuḍe na maguu.

Mahendo 20:6

Ḅaad̯a ya jila ya mikahe isiyongizwa bwoka hunjia chomboni na Filipi, hwenda kwa nsiku nsano hat̯a hufika Tiroa. Ndiko hwendeekohukit̯ongana na hawa wangine na hukikaa ḍyuma nzima.

Mahendo 21:16

Wangine wa hawa wahikiza kuyawa Kaisaria nao pia wagijana naswi. Wahuhwaa hat̯a nyumbani mwa Munasoni jwa kuyawa Kupuro, huyu muntu hwiyekuwa jwa kukaa nae. Ewa muhikiza kwa muḍa muyeya.

Mahendo 23:23

Makisa huyu mura kahana wakuu wa asikari wawii kawamba, “Wekani t̯ayari asikari magana mawii wa kwenda Kaisaria, pfamodza na wapfaa farasi miyongo mifungahe na asikari magana mawii wa kujwana na mafumo, na muwe t̯ayari kufikia saa ntahu za nasiku yeo.

Mahendo 27:1

Ipfohunikana kwamba hunjie charoni cha kwenda Ut̯aliano na chombo, Paulo na wafungwa wangine wayatswa mikononi mwa Yuliusi, mukuu jwa kit̯aro cha asikari wa Kirumi chichochikihanwa “Kit̯aro cha asikari wa *Kaisari.”

Mahendo 28:11

Hukaa hapfa kiluluni kwa myezi mihahu, kisa hugonzowa na chombo cha kuyawa Alekizandaria, chichochikihanwa, “Miungu Mpatsa,” chichokaa hapfa kiluluni hi ngera ya mpepfo.

Mahendo 28:16

Hwipfofika Rumi, Paulo kayatsigwa adzikaiye pfaḍepfonse atsakiyepfo ela awe na asikari mumodza jwa kumwamia.

Mahendo 6:5

Kit̯aro chonse cha wahikiza kitsakizwa ni hiḍi t̯aro. Ndookomu wamutsana Sit̯efano, muntu eyekuwa na faro nkuu na adzaiye Ruhu Mudheru. Wamutsana na Filipo, Porokoro, Nikanora, Timona, Paramena na Nikolao jwa kuyawa Antiokia eyenjia ḍini ya Kiyahud̯i.

Mahendo 9:30

Hawa wandugu wepfoḍimanya hiḍi dzambo, wamuhwaa Sauli, wamupfiika hat̯a Kaisaria na wamugonzoza ende T̯ariso.

Waefeso 4:11

Ndiye apfiye wantu mat̯ola ya kuwa *ntumi, wangine wawe manabii na wangine wawe wainjilisti. Wangine kawapfa mat̯ola ya kuwa wat̯ikisa na waalimu.

2 Timoteo 4:5

Ela wewe, zigwaze akilizo kwa kula hali. It̯isa mad̯inani, ugije kusumwiiya haya *Maagu Mema. Henda kula kintu chichonakumala kuhenda dza muhumisi jwa Muungu.