Mahendo 20:21 - Pokomo

²¹ Hangu Wayahud̯i hat̯a Wayunani ninena nao muno kwamba wayatse nabvise, wamuperukie Muungu na wamuhikize Ḅwana jwehu Yesu.

Mahendo 20:21 Iomraidhean Croise

Matayo 3:2

akyamba, “Pfyehuzani mama, koro Uhaju wa Mbinguni umaawa hafufi.”

Matayo 4:17

D̯ubva hangu huhuuḍe wakati Yesu kaḍabva kusumwiiya wantu akiwamba, “Pfyehuzani mama, koro Uhaju wa Mbinguni umaawa hafufi.”

Marko 1:15

Kamba, “Ngera imat̯imia. Uhaju wa Muungu umaawa hafufi. Pfyehuzani mama na muyahikize haya Maagu Mema.”

Marko 6:12

Ndookomu hawa wanafund̯i wanuka wenda waḍabva kusumwiiya wantu wapfyehuze mama.

Luka 13:3

Sivyo hat̯a! Mukitsapfyehuza mama, nanywi pia munafwa tswee dzao.

Luka 13:5

Sivyo hat̯a! Ela nyakumwambiani kwamba, mukitsapfyehuza mama nanywi nyonse munafwa dzao.”

Luka 15:10

Dza vivyo, malaika wa Muungu wanatsekea kwa dzambo ḍya munabvise mumodza apfyehuziye mama.”

Luka 15:7

Vivyo, idzawa tsekea nkuu mbinguni kwa munabvise mumodza apfyehuziye mama kuliko kwa wahachi miyongo kenda na kenda wasioona kwamba iwamala kupfyehuza mama.”

Luka 16:28

kwiko na wandugu zangu watsano. Awasumwiiye watsekudza huku kuntu kwa tsungu huku.’

Luka 24:47

Na kwa sariḍye, haya Maagu ni had̯i yasumwiijwe kwa vyeet̯i vyonse vya lumwengu, yakiḍabva na Yerusalemi. Na haya maagu ni kwamba, wantu wapfyehuze mama na Muungu anawayatsia nabvise zao.

Yohana 20:31

Ela haya yorejweyo, yoregwa ili mupate kuhikiza kwamba Yesu ni Mwana jwa Muungu na ndiye huyu *Masiya. Yoregwa ili kwamba, kwa kumuhikiza jeje muweze kuwa na maisha ya kuunga na yuungo.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Mahendo 10:43

Manabii wonse wanena dzuuye, kwamba kula muntu amuserefat̯iye anayatsijwa nabviseze kwa nguvu za sariḍye.”

Mahendo 11:18

Wepfosikia hivi, wayatsa hizi alano zao na wamushad̯a Muungu wakyamba, “D̯ubva Muungu kawapfa kupfyehuza mama hat̯a na wantu wa vyeet̯i vingine wapate kukaa mojo!”

Mahendo 16:31

Ao wamwambukuya wamwamba, “Muserefat̯e Ḅwana Yesu, na unapfonywa wewe na nyumbayo.”

Mahendo 17:30

Ngera za wantu wasizomumanya, Muungu kawayatsia. Ela sasa kakuamuruni wantu wonse, kula pfantu, wapfyehuze myendo yao mizuka.

Mahendo 19:17

Haya yahendekeeyo yad̯achaa Efeso nzima, hangu kwa Wayahud̯i hat̯a kwa Wayunani. Wonse wanjijwa ni oga, na waḍishad̯a muno sari ḍya Ḅwana Yesu.

Mahendo 2:38

Pet̯ero kawambukuya kamba, “Pfyehuzani mama, kula mumodza jwenu, na mut̯opyegwe kwa sari ḍya Yesu Kirist̯o ili mupate kuyatsijwa nabvise zenu. Nae Muungu anamumpa t̯olaye ya Ruhu Mudheru.

Mahendo 2:40

Pet̯ero kawafunda na kuwangiza nguvu hawa wantu na vyuuwo vingine vinji akiwamba, “Dzipfonyeni, mutsekudzahukumigwa dza hawa wantu wazuka wa hizi hizi nsiku!”

Mahendo 20:23

Changu nimanyiecho t̯u ni kwamba, kula mudzi Ruhu Mudheru kakuniyangani kwamba, nangizwa gerenzani na kukuntiswa d̯ina.

Mahendo 20:24

Kenge hat̯a vivyo haya maisha yangu sikwakuyaonani na maana muno kwangu. Cha mud̯a kwangu ni kwisa hi kazi ya Ḅwana Yesu animpiyeyo kuhenda. Yani kazi ya kulalabva *Maagu Mema ya t̯ei ya Muungu.”

Mahendo 24:24

Ḅaad̯a ya nsiku kachuchu, Feliki kadza ae na mukaziwe Durusila, eyekuwa Muyahud̯i. Kamuhumia muntu Paulo akamuhane, na kamusikiiya akwakunenani dzuu ya kuwa na faro kwa *Kirist̯o Yesu.

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Mahendo 26:20

Nguzi d̯ura nyenda nisumwiiya Damasiko na Yerusalemi, makisa nidzanyenda kusumwiiyani na ḍanda zingine za ḍyimbo ḍya Yud̯aya na kahi ya wantu wa vyeet̯i vingine. Nisumwiiya kwamba wapfyehuze mama na wamuujie Muungu, na wahende mahendo ya kuyanga kwamba wapfyehuza mama.

Mahendo 28:23

D̯ubva wahuniyana nsiku ya kut̯ongana na Paulo, na hiyo hiyo nsiku kwenda wantu wenji hapfa pfa Paulo epfoakikaa. Hangu magura hat̯a mioro kanena nao na kuwaimusya dzuu ya Uhaju wa Muungu. Kaḍema kuwahendeza wahikize maagu dzuu ya Yesu akitumia *Sharia ya Musa na matsoro ya manabii, kuyanga ya kwamba haya eyokunenani nza hachi.

Mahendo 3:19

D̯ubva pfyehuzani mama, na mumuujie Muungu, ili apate kumuyatsia nabvise zenu.

Mahendo 8:25

Wepfokwisa kuyavya ushuhuḍa dzuu ya Yesu Kirist̯o na kusumwiiya maagu ya Ḅwana, Pet̯ero na Yohana wauja Yerusalemi. Wepfowakiuja wenda na kusumwiiya Maagu Mema midzi minji ya Wasamaria.

Warumi 1:14

Nina muzigo wa kuyasumwiiya haya Maagu Mema kwa hawa hawa wantu wonse wa vyeet̯i. Hangu wasit̯aaraḅikiyeo na hat̯a wasiosit̯aaraḅika, wasomeyeo na hat̯a wasiosoma.

Warumi 1:16

Mimi sione yutswa kuyasumwiiya haya Maagu Mema. Koro haya haya maagu ndiyo nguvu ya Muungu iyonawapfonya wonse weonayahikiza. D̯ura yasumwiijwa kwa Wayahud̯i na wapata mupfonyo, na sasa yakusumwiijwani kwa wantu wa vyeet̯i vingine, nao wakupfonywani.

Warumi 10:9

Koro ukit̯amuka na kanwa kako wewe mwenye kwamba Yesu ni Ḅwana, na ukihikiza mojoni mwako kwamba Muungu kamufufuya kuyawa kwa wafu, unapfonywa.

Warumi 2:4

Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

Warumi 4:24

ela vyoregwa kwa dzambo ḍyehu pia. Vinahupfa uhakika wa kwamba hukimuhikiza Muungu, huyu amufufwiiye Ḅwana jwehu Yesu *Kirist̯o kuyawa kwa wafu, ḅasi hat̯a naswi pia Muungu anahuhwaa kuwa wahachi.

Warumi 5:1

Na kwa kwamba Muungu anahuhwaa kuwa wahachi usoni kwakwe kwa dzambo ḍya faro zehu, ḅasi huna naghea na Muungu kuchiiya na kwa Ḅwana jwehu Yesu *Kirist̯o.

1 Wakorint̯o 1:22

Hawa Wayahud̯i wanatsaka vihambwiizo dza ushaahiḍi, hali hawa wantu wasiokuwa Wayahud̯i wanalacha kuwa na mvidhyo.

2 Wakorint̯o 7:10

Koro tsungu wa Muungu eonangiza muntu unamumpa kupfyehuza mama, na huku kupfyehuza mama kunamuyehea mupfonyo. Na ntaku jwa kudziut̯i dzuu ya haya haya. Ela tsungu wa kibenaad̯amu unayeha kufwa kiruhu.

Wagalatia 2:16

Kenge humanya ya kwamba Muungu anamuhwaa muntu kuwa muhachi kuchiiya na kwa kumuserefat̯a Yesu Kirist̯o t̯u, si kwa kuuḅa hi Sharia. Ndiyo maana hat̯a naswi, humuserefat̯a Kirist̯o Yesu hupate kuwa wahachi kwa Muungu kuchiiya na kwa faro hwiyonayo kwa Kirist̯o, ela si kwa kuuḅa hi Sharia. Koro Muungu nkanamuhwaa benaad̯amu yuḍejwonse kuwa muhachi kwa dzambo ḍya kuuḅa hi Sharia.

Wagalatia 2:20

Nifwa kufwa kuzuka dza vya Kirist̯o afwiyevyo muhini mwa mpatsa. Ndookomu sikwakuishini dza nivyonikiishi d̯ura, koro sasa Kirist̯o kakuishini kuzimuni mwangu. Na haya maisha niyokuishini hi hii saasambi, nyakuishini kwa kumuserefat̯a jeje Mwana jwa Muungu, anitsakiye hat̯a akiyayavya maishaye kwa dzambo ḍyangu.

Wagalatia 3:22

Ela haya matsoro yamba kwamba, lumwengu yuzima jwaa kifungoni mwa nabvise. D̯ubva Muungu kaweka ahad̯i ya huyu Ruhu kwa hawaḍe wamuserefat̯iyeo Yesu Kirist̯o.

Waefeso 1:15

Hangu nipfosikia kwamba mumuhikiza Ḅwana jwehu Yesu na nipfosikia kwamba muwatsaka wantu wonse wa Muungu,

Wakolosai 2:5

Koro hat̯a ingawa sikwaa pfamodza nanywi kimwii, nya pfamodza nanywi kiruhu. Nitsekea muno kusikia kwamba mugija kumuhikiza Kirist̯o na mojo, na mwakuishini kuuḅana ne hachi.

Filemoni 1:5

koro nakaa na kusikia namuna umuhikiziyevyo Ḅwana Yesu, na namuna uwatsakiyevyo wantu wonse wa Muungu.

1 Yohana 5:1

Kula ahikiziye kwamba Yesu ndiye huyu *Masiya, huyo ni Mwana jwa Muungu. Na yuḍejwonse amutsakie babajwe muntu, kamutsaka na mwana jwa huyo muntu pia.

1 Yohana 5:5

Ela eyenaweza kujushinda huju lumwengu ni ga? Ni huyuḍe t̯u ahikiziye ya kwamba Yesu ni Mwana jwa Muungu.