Mahendo 19:13 - Pokomo

¹³ Wayahud̯i wangine weowakid̯and̯a na kuyavya mpepfo nzuka nao waḍema kutumia sari ḍya Ḅwana kuyavya wantu mpepfo nzuka. Wekyamba, “Nyakukuamuruni kwa sari ḍya Yesu, huyu jwa Paulo eyenasumwiiya, umuyawe muntu huyu.”

Mahendo 19:13 Iomraidhean Croise

Matayo 12:27

Haya, mukimanyamba kwamba nyakuyavyani mpepfo nzuka kwa uwezo wa Belizebuli, ehe awa wanafund̯i wenu wakuyavyani mpepfo nzuka kwa uwezo wa ga? Hivi wevyokuhendani wao wenye vinayanga kwamba hivi mwivyokunenani nywinywi sivyo.

Matayo 26:63

Ela Yesu kanyamaa mya. Na huyu Mukohani Mukuu kanena nae kawii kamwamba, “Natsaka uyapfe kwa sari ḍya Ḅwana Muungu eye mojo. Wewe ndiwe ayu *Kirist̯o Mwana jwa Muungu?”

Marko 5:7

Yesu kamwamba, “Wewe mpepfo nzuka, muyawe muntu huyu!” Na huyuḍe muntu kaḅaa idzwi kuu kamba, “Unamini Yesu Mwana jwa Muungu awee dzuu? Nakuyomba kwa sari ḍya Muungu, utsenikuntisa d̯ina!”

Marko 9:38

Yohana kamwamba Yesu, “Mwaalimu, huona muntu eyeakiyavya mpepfo nzuka kwa sariḍyo, naswi humuvingira, kwa kwamba si mumodza jwehu.”

Luka 11:19

Haya, mukimanyamba kwamba nyakuyavyani mpepfo nzuka kwa uwezo wa Belizebuli, ehe awa wanafund̯i wenu wakuyavyani mpepfo nzuka kwa uwezo wa ga? Hivi wevyokuhendani wao wenye vinayanga kwamba hivi mwivyokunenani nywinywi sivyo.

Luka 9:49

Yohana kamwamba, “Ḅwana, huona muntu eyeakiyavya mpepfo nzuka kwa sariḍyo, naswi humuvingira, kwa kwamba si mumodza jwehu.”

Mahendo 19:14

Kwiwa na wanawayume wafungahe wa *Mukohani Mukuu jwa Kiyahud̯i eyeakihanwa Sikewa, weowakiamuru mpepfo nzuka ziwayawe wantu.

2 Wakorint̯o 11:4

Nyakumushoogeani kwa hivi mwivyonawapfokea kiurahisi hawa weonakudza kwenu. Haya weyonasumwiiya dzuu ya Yesu ni garagara na hivi humusumwiiyevyo, ela munayahikiza! Munapfokea ruhu asiyekuwa huyu Ruhu Mudheru mupfokeeye kuyawa kwehu. Na hi injili weyonasumwiiya ni garagara na hiḍe yehu humusumwiiyeyo, ela vivyo mwakuipfokeani.