Mahendo 19:10 - Pokomo

¹⁰ Paulo kahenda hivi kwa myaka miwii, hat̯a wantu wonse weowakikaa ḍyimbo ḍya Asia, hangu Wayahud̯i hat̯a Wayunani, wakisikia hichi chuuwo cha Ḅwana.

Mahendo 19:10 Iomraidhean Croise

Mahendo 13:12

Huyu mukuu jwa hichiḍe kilulu epfoona haya yahendekeeyo kahikiza, koro ewa kamakiswa muno ni haya mayongweezo dzuu ya Ḅwana.

Mahendo 16:6

Wachia na ḍanda za Furugia na Galatia kwa dzambo ḍya kwamba Ruhu Mudheru nkakuwayatsa wasumwiiye hichi chuuwo hukuḍe Asia.

Mahendo 18:11

Ndookomu Paulo kakaa Korint̯o kwa mwaka na nusu, akiwayongweeza hawa wantu chuuwo cha Muungu.

Mahendo 18:4

Kula *Sabato kaḍaat̯iana na hawa wantu humuḍe *sunagogini, akiḍema kuwahendeza hangu Wayahud̯i hat̯a Wayunani waserefat̯e hivi evyoakinena.

Mahendo 19:20

Ndookomu, kwa nguvu za Ḅwana hichi chuuwoche chigija kud̯achaa na kuwa na nguvu.

Mahendo 19:22

D̯ubva kahuma wasaiḍizi wakwe wawii, Timoteo na Erasto kwenda Makedonia. Ae kongeza nsiku za kukaa ḍyimbo ḍya Asia.

Mahendo 19:8

Kwa muḍa wa myezi mihahu, Paulo ekyenda *sunagogini na kunena na hawa wantu pfasipfo oga. Kaḍaat̯iana nao na kuḍema kuwahenda waserefat̯e kwamba haya eyoakinena dzuu ya Uhaju wa Muungu nza ḍugha.

Mahendo 2:9

Huyawa Pathia, Midia na Elami, na wangine wayawa Mesopotamia, Yud̯aya, Kapadokia, Ponto, Asia,

Mahendo 20:18

Wepfokudza, kawamba, “Mumanya namuna niishiyeo muḍa wonse niwokuwa pfamodza nanywi, hangu nsiku ya d̯ura nirangiyeyo hiḍi ḍyimbo ḍya Asia.

Mahendo 20:31

Manyani d̯ubva, na mukumbuke kwamba nikimufunda na tsungu mwinji, kula mumodza jwenu, siku na musikahi kwa myaka mihahu.”

Mahendo 6:9

Ela wantu wangine washindana nae. Wewa wantu wa *sunagogi ḍihanijweḍyo “Sunagogi ḍya wantu huru,” ḍiḍyokuwa na Wayahud̯i wa Ukirene na Alekizandaria. Wao na Wayahud̯i wangine kuyawa Kilikia na Asia waḍabva kuḍaat̯iana na Sit̯efano.

Warumi 1:16

Mimi sione yutswa kuyasumwiiya haya Maagu Mema. Koro haya haya maagu ndiyo nguvu ya Muungu iyonawapfonya wonse weonayahikiza. D̯ura yasumwiijwa kwa Wayahud̯i na wapata mupfonyo, na sasa yakusumwiijwani kwa wantu wa vyeet̯i vingine, nao wakupfonywani.

Warumi 10:12

Ndookomu ntaku ugaragara kahi ya Muyahud̯i na muntu jwa kyeet̯i chingine. Muungu ndiye Ḅwana jwa wantu wonse, na anawavodhya kwa winji hawaḍe wonse weonamuyomba.

Warumi 10:18

Ehe awa Wayahud̯i, munamba ntawadzayasikia hat̯a aya maagu? Gula kuyasikia wayasikia kaḅisa. Dza vya matsoro yambiyevyo: “Madzwi ya hawa wahumijweo kwendasumwiiya haya maagu, yasikijwa lumwengu yuzima. Na hivi vyuuwo vyao waneneyevyo, visikijwa hat̯a mwiso wa lumwengu.”

Wagalatia 3:28

Ndookomu ntaku ugaragara kawii kahi ya Muyahud̯i na muntu asikwaa Muyahud̯i, wala kahi ya muhumwa na muntu asikwaa muhumwa, ambu kahi ya muke na muyume, koro nyonse mu wamodza hariani mwa Kirist̯o Yesu.

Wakolosai 3:11

Haya haya maisha mapfya ntaya cha kwamba muntu ni Muyahud̯i ambu hat̯a, ambu muntu kahinywa ambu hat̯a. Ntaya cha kwamba muntu kasoma ambu hat̯a. Ntaya cha kwamba anahwajwa dza baud̯a ambu hat̯a, na wala ntaya cha kwamba muntu ni muhumwa ambu hat̯a. Cha mud̯a ni kwamba Kirist̯o ka dzuu ya wonse, na anaishi kuzimuni mwa wantu wonse wamuhikiziyeo.

2 Timoteo 1:15

Dza umanyiyevyo, wantu wonse wa ḍyimbo ḍya Asia wanifat̯ula. Na wangine wao ni aḍe Figelo na Hamogene.

1 Pet̯ero 1:1

Mimi Pet̯ero niiye *ntumi jwa Yesu *Kirist̯o, nyakumworeani nywinywi wantu wonse wa Muungu mwiwokukaani nsi garagara za ugenini, za Ponto, Galatia, Kapadokia, Asia na Bitinia.

Upfenuo wa Yohana 1:11

Hi saut̯i inyamba, “Haya wiyokuyaonani, yore uyapfiike kwa haya matsanganiko mafungahe yeyo ḍyimbo ḍya Asia. Yapfiike kwa tsanganiko ḍya Efeso, Simirina, Pagamo, Thiatira, Saridi, Filadelifia na Laodekia.”

Upfenuo wa Yohana 1:4

Mimi Yohana, nyakumworeani nywinywi wantu wa matsanganiko mofungahe yeyo ḍyimbo ḍya Asia. Huyu eyekuwapfo, eyepfo na adzeyekudza, pfamodza na hizi ruhu mfungahe zizonasumama usoni ya kitiche cha kihaju na Yesu Kirist̯o eye shaahiḍi jwa kuhikizika, nawamuvodhye na kumumpa naghea nto. Yesu Kirist̯o ndiye jwa d̯ura afufukie kuyawa kwa wafu na akiwa Haju jwa mahaju yonse ya humu lumwenguni. Jeje kahutsaka na kahuweka huru kuyawana na nabvise kwa kwiha mwaziwe.