Mahendo 18:2 - Pokomo

² Hukuḍe kenda kat̯ongana na Muyahud̯i avyaijwe Ponto eyenahanwa Akwila. Jeje na mukaziwe Pirisila wewa ndiko kudza kuyawa Ut̯aliano, kwa dzambo ḍya kwamba Kaisari Kilaudio ewa kaamuru kwamba Wayahud̯i wonse wauyawe mudzi wa Rumi. Paulo kendea kuwad̯oya,

Mahendo 18:2 Iomraidhean Croise

Mahendo 11:28

Ndookomu, mumodza jwao eyeakihanwa Agabo kasumama, na kwa nguvu za Ruhu Mudheru kayavya unabii kwamba lumwengu yuzima njwakunjia nzaa nkuu si hat̯a kae. (Hii nzaa injia ngera ya uhaju wa Kilaudio.)

Mahendo 18:18

Paulo kakaa Korint̯o na hawa wandugu kwa nsiku nyinji. Makisa kanuka kunjia chomboni ende Siria. Pirisila na Akwila nao wagijana nae. Asidzanjia chomboni agonzowe ewa kapfeejwa hizi nywiize hukuḍe Kenkerea kuyanga ya kwamba ewa kaweka ahad̯i kwa Muungu.

Mahendo 18:26

Kaḍabva kunena humuḍe sunagogini pfasipfo oga. Pirisila na Akwila wepfomusikia, wamuhwaa wenda nae nyumbani kwao na wamuimusya Njia ya Ḅwana urembo zaid̯i.

Mahendo 2:9

Huyawa Pathia, Midia na Elami, na wangine wayawa Mesopotamia, Yud̯aya, Kapadokia, Ponto, Asia,

Mahendo 27:1

Ipfohunikana kwamba hunjie charoni cha kwenda Ut̯aliano na chombo, Paulo na wafungwa wangine wayatswa mikononi mwa Yuliusi, mukuu jwa kit̯aro cha asikari wa Kirumi chichochikihanwa “Kit̯aro cha asikari wa *Kaisari.”

Mahendo 27:6

Hapfaḍe huyu mukuu jwa asikari kenda kaona chombo cha kuyawa Alekizandaria, chichokuwa kwendani Ut̯aliano, ndookomu kahungiza humuhumuḍe.

1 Wakorint̯o 16:19

Matsanganiko ya ḍyimbo ḍya Asia yamukedhya. Akwila na Pirisila, na hiḍi tsanganiko ḍiḍyonayomba humu nyumbani mwao, wamukedhya nto hariani mwa Ḅwana.

2 Timoteo 4:19

Nikedhyea Pirisila na Akwila na nyumba ya Onesiforo.

Waeburania 13:24

Hukedhyeyeni wayongozi wenu na wantu wonse wa Muungu. Hawa wandugu wa Ut̯aliano nao wamukedhya nto.

1 Pet̯ero 1:1

Mimi Pet̯ero niiye *ntumi jwa Yesu *Kirist̯o, nyakumworeani nywinywi wantu wonse wa Muungu mwiwokukaani nsi garagara za ugenini, za Ponto, Galatia, Kapadokia, Asia na Bitinia.