Mahendo 17:2 - Pokomo

² Paulo kenda humuḍe sunagogini dza abarat̯iyevyo kuhenda. Kwa nsiku ntahu za *Sabato kaḍaat̯iana na hawa wantu, akitumia haya matsoro madheru.

Mahendo 17:2 Iomraidhean Croise

Matayo 26:24

Mimi Mwana jwa Ad̯amu ni had̯i nifwe, koro ndivyo vyorejwevyo. Ela huyu adzeeniḍawanya kadzakunta d̯ina nkuu muno! Hat̯a ni heri kwamba huyo huyo muntu nkandeevyajwa haswa!”

Luka 4:16

Makisa Yesu kenda Nazareti, mudzi ayeejweo. Nsiku ya *Sabato kanjia *sunagogini dza abarat̯iyevyo. Epfokuwa humuḍe kuzimu, kasumama asome haya matsoro madheru.

Yohana 18:20

Na Yesu kamwamba, “Mimi nikisumwiiya wazi wazi tswee, na kula muntu ekinisikia. Nikikaa na kuyongweeza masunagogini na Hekaluni, kuntu kwa Wayahud̯i wonse wekonakaa na kutsanganika. Sidzanena kiḍechonse sirini.

Mahendo 13:14

Ae Baranaba na Paulo wanuka na Paga na wenda mudzi wa Antiokia wiwo Pisidia. Nsiku ya *Sabato, wenda wanjia *sunagogini wakaa chihako.

Mahendo 13:5

Wepfokwojeka mudzi wa Salami waḍabva kusumwiiya chuuwo cha Muungu humu masunagogini mwa Wayahud̯i. Wewa pfamodza na Yohana Marko, eyeakiwagijiija na hi kazi.

Mahendo 14:1

Paulo na Baranaba wepfokwenda Ikonio, wahenda dza viviḍe wahendeyevyo Antiokia. Wenda wanjia *sunagogini mwa Wayahud̯i. Wasumwiiya urembo, hat̯a kit̯aro chikuu cha Wayahud̯i na wantu wa vyeet̯i vingine nao wahikiza.

Mahendo 17:10

Ipfofika siku t̯u, hawa wandugu wamugonzoza Paulo na Sila kwenda Beroya. Wepfofika, wenda sunagogini mwa Wayahud̯i.

Mahendo 17:17

Ndookomu kaḍaat̯iana na hawa Wayahud̯i na hawa wantu wa vyeet̯i vingine weonamuyomba Muungu, humuḍe sunagogini na wantu waḍewonse weowakyenda hapfaḍe gasani.

Mahendo 18:4

Kula *Sabato kaḍaat̯iana na hawa wantu humuḍe *sunagogini, akiḍema kuwahendeza hangu Wayahud̯i hat̯a Wayunani waserefat̯e hivi evyoakinena.

Mahendo 19:8

Kwa muḍa wa myezi mihahu, Paulo ekyenda *sunagogini na kunena na hawa wantu pfasipfo oga. Kaḍaat̯iana nao na kuḍema kuwahenda waserefat̯e kwamba haya eyoakinena dzuu ya Uhaju wa Muungu nza ḍugha.

Mahendo 24:25

Kenge Paulo epfogija kunena dzuu ya kuwa muhachi, dzuu ya kudzimiza, na dzuu ya nsiku ya hukumu iyokudzani, Feliki kanjia oga na kamwamba, “Kwe saasambi le unaweza kwenda. Nalacha namfasi ya kukuhumia muntu ḅaad̯aye akuhane.”

Mahendo 28:23

D̯ubva wahuniyana nsiku ya kut̯ongana na Paulo, na hiyo hiyo nsiku kwenda wantu wenji hapfa pfa Paulo epfoakikaa. Hangu magura hat̯a mioro kanena nao na kuwaimusya dzuu ya Uhaju wa Muungu. Kaḍema kuwahendeza wahikize maagu dzuu ya Yesu akitumia *Sharia ya Musa na matsoro ya manabii, kuyanga ya kwamba haya eyokunenani nza hachi.

Mahendo 8:35

D̯ubva Filipo epfoḅaa kanwa kunena, kaḍabva na chichiḍe kiḍinku cha matsoro na kamusumwiiya Maagu Mema dzuu ya Yesu.

Mahendo 9:20

Nkakukawa, kaḍabva kusumwiiya masunagogini akyamba, “Yesu ni Mwana jwa Muungu.”

1 Wakorint̯o 15:3

Haya ya muhimu ya mwiso niyapfokeeyeyo, ndiyo niyamukiziiyeyo nanywi. Haya ni kwamba: *Kirist̯o kafwa hupate kuyatsijwa nabvise zehu, dza vya matsoro yaneneyevyo.