Mahendo 17:11 - Pokomo

¹¹ Hawa Wayahud̯i wa Beroya wewa t̯ayari kuwasikiiya kuliko hawa wantu wa Tesalonike. Wakisikiiya hichi chuuwo na hamu nyinji, na kula nsiku wekiyayowa haya matsoro waone ya kwamba haya ya Paulo eyoakiwambia nza hachi ambu hat̯a.

Mahendo 17:11 Iomraidhean Croise

Matayo 13:23

Na hiziḍe mbeju zigwiyezo kwiiko na mutsanga munono, ni dza hawaḍe wantu weonakisikiiya hichi chuuwo na wakachigija na mojo mumodza. Maisha yao yanamuvyaiya Muungu matunda dza hiviḍe vya muhi wivyonavyaa mumpaka ukaara gomba.”

Luka 1:2

Wora dza hiviḍe husumwiijwevyo ni hawaḍe wayaoneyeo haya mambo yakwakuhendekani hangu ḍabvu. Hawaḍe wayaoneyeo ndiwo wawaḍe wantu wadziyeo wakilalabva haya maagu.

Luka 11:3

Uhupfe chakuḍya cha kuhukusya nsiku kwa nsiku.

Luka 16:29

Iburahimu kamwamba, ‘Wanduguzo wana Sharia za Musa na matsoro ya manabii wangine. D̯ubva nawayagije hayo hayo.’

Luka 24:44

Makisa kawamba, “Haya ndiyo mambo niyomwambia nipfokuwa pfamodza nanywi amaale. Niimwamba, yonse yorejweyo dzuu yangu Shariani mwa Musa, kwa matsoro ya manabii, na kwa chuo cha Zaburi, ni had̯i yat̯imiye.”

Yohana 3:21

Ela kula eyenahenda yeyo ya hachi anaudziya hu muyanga, ili wantu wapate kuona kwamba haya eyokuhendani ndiyo ya Muungu eyonatsaka.

Yohana 5:39

Nywinywi mu wahiḍu wa kuyasoma haya matsoro mukit̯ara kwamba yanamumpa maisha ya kuunga na yuungo. Hayo hayo matsoro yayo yenye yakushuhuḍiani dzuu yangu mimi!

Mahendo 10:33

Nami nikuhumia muntu mweedha mumodza. Nawe kuhenda urembo kudza. D̯ubva Muungu anaswi hwonse hapfa. Hwakuindani kupfindiiya kiḍechonse cha Ḅwana akupfiyecho uhwambiye.”

Mahendo 11:1

Hawa *ntumi na wandugu weokuwa ḍyimbo ḍya Yud̯aya, wonse wasikia kwamba wangine wa hawa wantu wa vyeet̯i vingine nao wakipfokea chuuwo cha Muungu.

Mahendo 17:1

Wagija kwenda na charo chao wachia na Amfipoli na Apolonia hat̯a wafika Tesalonike, kwipfokuwa na *sunagogi ḍya Wayahud̯i.

Mahendo 2:41

Wenji wao wahikiza vyuuwovye na wat̯opyegwa. Kit̯aro cha wahikiza chongezeka na wantu chima cha elefu ntahu hiyo hiyo nsiku.

1 Watesalonike 1:6

Nanywi nywinywi wenye mut̯aḅa namuna yehu swiswi na Ḅwana huishiyevyo. Na hat̯a ingawa mukuntiswa d̯ina muno, mukipfokea hichi chuuwo na tsekea mupfegejweyo ni Ruhu Mudheru.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.

2 Watesalonike 2:10

Anakudza na kula aina ya makulekule, awakulekule hawaḍe weokwaarani wadzeohukumigwa. Wakwaarani kwa dzambo ḍya kwamba waidziza hi hachi ya kwamba indeweza kuwapfonya.

Yakobo 1:21

Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.

1 Pet̯ero 2:2

Kamiani kuḍya chakuḍya cha kiruhu dza hiviḍe vya wana vilelehea wevyonakamia kununa, ili kwamba mugije kukuya kiruhu;