Mahendo 16:23 - Pokomo

²³ Wepfowabiga vyumuni wakisa wawangiza gerenzani, na huyu mwamia kapfegwa amuri ya kuwafungia gu.

Mahendo 16:23 Iomraidhean Croise

Matayo 26:48

Yud̯a, huyu muḍawanya, ewa kawapfa kihambwiizo hawa wantu kawamba, “Huyuḍe nidzeemunonea ndiye huyu mwiyekulachani, d̯ubva mugijeni.”

Luka 21:12

Ela yonse haya yasidzahendeka, mudzagijwa na kukuntiswa d̯ina. Mudzahukumigwa masunagogini na kungizwa magerenzani. Na kwa dzambo ḍyangu, mudzasit̯akigwa usoni ya mahaju na wat̯awala wangine.

Mahendo 12:18

Ipfofika magurani, wamia wanjia kipapo kikuu. Waḍabva kuuzana wao na wao, wamba, “Ayu Pet̯ero kenda ku?”

Mahendo 12:4

Pet̯ero epfogijwa, kangizwa gerenzani. Kawekwa kwamijwani ni vit̯aro vine vya asikari wane wane. Herod̯e ekitsaka kumuhukumu Pet̯ero kacha ya wantu ḅaad̯a ye *Pasaka.

Mahendo 16:27

Huyu mwamia jwe gerenza kayamuka. Na epfoona ya kwamba miḍyango yonse ye gerenza ifunguka, kat̯ara ya kwamba wafungwa wonse wesakud̯arama. Ndookomu katsoowa munduwe akitsaka kudziyaga.

Mahendo 16:36

Ndookomu huyu mwamia kavimufisya Paulo kamwamba, “Hawa wakuu wayeha chuuwo cha kwamba wewe na Sila mufungujwe. D̯ubva endani na naghea.”

Mahendo 5:18

D̯ubva wawagija hawa ntumi na wawangiza gerenzani.

Mahendo 5:23

wamba, “Hwipfofika hukuḍe gerenzani, huit̯onga hi miḍyango ifungwa gu na huwat̯onga na hawa wamia wakiwa kwamiani miḍyango. Ela hwipfofunguya hi miḍyango ntahukuona muntu humuḍe kuzimu!”

Mahendo 9:2

na kayomba ḅaruwa za umanyizo kwa masunagogi yeyo Damasiko. Kahenda hivi ili kwamba akiona muhikiza yuḍejwonse jwa Njia ya Ḅwana hukuḍe, akiwa muke ambu muyume, amugije na auje nae Yerusalemi.

2 Wakorint̯o 11:23

Wakyamba wao ni wahumisi wa Kirist̯o, mimi ni muhumisi mwema zaid̯i kuwachia wao. Gula nyakunenani dza muntu jwa mat̯are, ela ikiwa kwamba ni kazi nyumu nyumu, nizihenda kuchia chima. Ikiwa kwamba ni kungizwa gerenzani, ningizwa myeedha minji kuchia chima. Ikiwa kwamba ni kubigwa na lucha, nibigwa myeedha minji zaid̯i kuwachia wao. Na ikiwa kwamba ni kusaa kuyagwa, nisaa kuyagwa myeedha minji zaid̯i kuwachia wao.

2 Wakorint̯o 6:5

Hubigwa na kungizwa gerenzani na kujumwiijwa fuḍyo. Huhendeswa kazi nyumu nyumu, hutsovyegwa sinzizi na kuyagwa nzaa.

Waefeso 3:1

Mimi Paulo nifungwa gerenzani kwa dzambo ḍya kuhenda kazi ya *Kirist̯o Yesu animpiyeyo, ya kumusumwiiya nywinywi musiokuwa Wayahud̯i.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

2 Timoteo 2:9

Na kwa dzambo ḍya haya haya Maagu Mema niyonasumwiiya, nyakukuntiswani d̯ina, na ninjia hat̯a kufungwani minyoro dza kwamba niwa muhenda mazuka. Ela chuuwo cha Muungu ntakiwezi kufungwa minyoro.

Filemoni 1:9

Ela kwa dzambo ḍya hivi hutsakananiyevyo, niona kwamba heri nikuyombe kuliko kukuamuru. Ndiyo maana mimi Paulo niiye jarisa, na nifungijwee gerenzani kwa dzambo ḍya Yesu, nyakukuyombani dza ḅamujo.

Upfenuo wa Yohana 1:9

Mimi ndugu yenu Yohana, nyakukuntiswani d̯ina dzanywi kwa dzambo ḍya Yesu Kirist̯o. Nyakuuyoweyani Uhaju wa Muungu na kuit̯isa mad̯inani dzanywi kwa dzambo ḍya Yesu. Mimi nisamiswa nipfiikwa kilulu cha Patimo, kwa dzambo ḍya kuyongweeza chuuwo cha Muungu na kusumwiiya wantu dzuu ya Yesu.

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.