Mahendo 16:14 - Pokomo

¹⁴ Mumodza jwa hawa wake weowakihusikiiya ewa Lidia kuyawa Thiatira, muguzi jwa nguo ghali za zambarau. Ewa muke muyomba Muungu, na Ḅwana kamupfenuya mojowe apate kupfindiiya vyuuwo vya Paulo.

Mahendo 16:14 Iomraidhean Croise

Luka 24:45

Makisa Yesu kawapfenuya mat̯aro yao waimuke haya yorejweyo matsoroni.

Yohana 12:20

Kahi ya hawaḍe wantu weokwenda Yerusalemi wakamuyombe Muungu ngera ya hi nsikunkuu, wangine wao weewa ni Wayunani.

Mahendo 10:2

Ewa muntu muchuuwo. Jeje na sindowe wonse wewa wantu weowakimuhila Muungu. Kahenda menji ya kuwasaiḍia Wayahud̯i masikini na kut̯wa ekimuyomba Muungu.

Mahendo 11:21

Ḅwana ewa nao, na kit̯aro chikuu cha wantu wahikiza na wamuperukia Ḅwana Yesu.

Mahendo 13:43

Wantu wepfoyawa nomu sunagogini, Wayahud̯i wenji na wantu wa vyeet̯i wenji wauḅiyeo ḍini ya Kiyahud̯i, wamuuḅa Paulo na Baranaba. Hawa *ntumi wanena nao na kuwangiza mojo wagije kuserefat̯a t̯ei ya Muungu.

Mahendo 13:50

Ela hawa Wayahud̯i wawangiza nsunziirya hawa wakuu wa hu mudzi na hawa wake majabva wasiokuwa Wayahud̯i, weowakimuvunzia nkuhi Muungu. Wawakuntisa d̯ina aḍe Paulo na Baranaba makisa wawayavya humu nsini mwao.

Mahendo 16:40

Paulo na Sila wayawa nomu gerenzani na wenda nyumbani mwa Lidia. Wenda wat̯ongana na hawa wandugu hapfaḍe, wawambia vyuuwo vya kuwangiza mojo, makisa wagonzowa.

Mahendo 18:7

Ndookomu kanuka na hapfo kenda kanjia kukaani nyumbani kwa muntu asikwaa Muyahud̯i eyeakihanwa Tito Yust̯o. Huyu ewa ni muntu eyeakimuyomba Muungu. Nyumbaye iwa it̯ura neḍi sunagogi.

Mahendo 8:27

Ndookomu Filipo kadzielekanya, kachia. Iiḍe saa kwiwa muntu mukuu Muithiopia, eyekuwa kuujani nyumbani. Huyu ewa muntu at̯umijwe, muntu mukuu jwa kut̯unza nkandi ya malikia jwa Ithiopia. Ewa kayawa Yerusalemi kumuyombani Muungu, na ekiuja akiwa dzuu ya gari ḍyakwe ḍya kunuhwa.

Warumi 9:16

Ndookomu kutsanigwa kwa muntu, ntakudze kwa muntu kudzihendea hiḍu jeje mwenye ambu kwa kutsaka kwakwe jeje mwenye, ela ni kwa t̯ei ya Muungu.

Wafilipi 2:13

Koro Muungu ndiye eyekuhendani kazi kuzimuni mwenu, apate kumumpa mojo na nguvu za kuhendea hayaḍe yeyonamutsakiza jeje.

Upfenuo wa Yohana 1:11

Hi saut̯i inyamba, “Haya wiyokuyaonani, yore uyapfiike kwa haya matsanganiko mafungahe yeyo ḍyimbo ḍya Asia. Yapfiike kwa tsanganiko ḍya Efeso, Simirina, Pagamo, Thiatira, Saridi, Filadelifia na Laodekia.”

Upfenuo wa Yohana 3:20

T̯ayowani! Mimi nisumama muḍyangoni nyakubigani hoḍi. Huyuḍe adzeyeisikia saut̯i yangu na akinifungwiiya muḍyango, nanjia mwakwe naḍya pfamodza nae, nae anaḍya pfamodza nami.

Upfenuo wa Yohana 3:7

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Filadelifia, mworeye umwambe, ‘Huyu eye Mudheru na Muhikizika, eye na yufunguo jwa D̯aud̯i na ambaye kwamba akifunguya muḍyango ntaku eyenaweza kuufunga na akifunga muḍyango ntaku eyenaweza kuufunguya, kamba hivi: