Mahendo 15:4 - Pokomo

⁴ Wepfofika Yerusalemi, wapfokejwa ni hiḍi tsanganiko, hawa ntumi na hawa wazee. Nao wawasumwiiya hayaḍe yonse ya Muungu ahendeyeyo pfamodza nao.

Mahendo 15:4 Iomraidhean Croise

Matayo 10:40

Yuḍejwonse adzeemupfokea nywinywi, kanipfokea mimi. Na muntu anipfokeeye mimi, kamupfokea huyuḍe anihumiye.

Mahendo 11:30

D̯ubva wakimaahenda dzavyo, Baranaba na Sauli wapfiika hu ugijo kwa hawa wazee wa tsanganiko ḍya Yerusalemi.

Mahendo 14:27

Wepfofika Antiokia, waḍit̯ut̯aisa tsanganiko ḍyonse pfamodza, na wawasumwiiya hawa wantu hayaḍe yonse ya Muungu ahendeyeyo pfamodza nao, na namuna awapfiyevyo namfasi wantu wa vyeet̯i vingine kuwa wahikiza.

Mahendo 15:12

Kit̯aro chonse kiḍunda mya. Wamupfindiiya Baranaba na Paulo wakwakusumwiiyani hivi vihambwiizo na mafara makuu ya Muungu awapfiyeyo kuhenda kahi ya hawa wantu wa vyeet̯i.

Mahendo 15:2

Paulo na Baranaba waḍaat̯iana nao vyumuni dzuu ya hiḍi dzambo. Ndookomu ihunikana kwamba Paulo na Baranaba pfamodza na wantu wangine wa hiḍi tsanganiko ḍya Antiokia, wende Yerusalemi wakaḍikaiye chihako hiḍi dzambo na hawa *ntumi na wazee.

Mahendo 15:22

D̯ubva, hawa ntumi na wazee, pfamodza na tsanganiko ḍyonse, wahuna kutsana wantu kahi yao wa kuwahuma Antiokia pfamodza na Paulo na Baranaba. Ndookomu wamutsana Sila na Yud̯a ahanijwe Barisaba. Hawa wantu wowii wewa wayongozi kahi ya hawa wandugu.

Mahendo 15:3

D̯ubva tsanganiko ḍiwagonzoza. Na wepfowakichia na Foinike na Samaria wawapfa maagu hawa wantu dzuu ya namuna ya hawa wantu wa vyeet̯i vingine wamuhikiziyevyo Muungu. Haya maagu yawapfa tsekea nkuu hawa wandugu wonse.

Mahendo 15:6

Ndookomu hawa ntumi na hawa wazee wadziana pfamodza kuḍikaiya chihako hiḍi dzambo.

Mahendo 16:4

Wepfowakichia nomu midzini wawambia hawa wahikiza haya mambo ya hawa *ntumi na wazee wahuniyeyo hukuḍe Yerusalemi na wawamba wayagije.

Mahendo 18:27

Apolo epfohuna kwenda Akaya, hawa wandugu wa Efeso wamungiza mojo kwa kwora ḅaruwa ya kuwambia hawa wandugu wa Akaya wamupfokeye. Epfokwenda hukuḍe, kawagija muno hawaḍe wantu wahikiziyeo kwa dzambo ḍya t̯ei ya Muungu.

Mahendo 21:17

Hwipfofika Yerusalemi hawa wandugu wahupfokea na tsekea.

Mahendo 21:19

Paulo kawakedhya makisa kawapfa maagu chorora dzuu ya kula kintu cha Muungu ahendeyecho kahi ya wantu wa vyeet̯i vingine kuchiiya na kwa kaziye.

Warumi 15:18

Nami siwezi kunena kintu kingine kiḍechonse, lamud̯a hivi vya Kirist̯o ahendeevyo kwa wantu wa vyeet̯i vingine kuchiiya na kwangu. Kwa maagu niwasumwiiyeyo na hiviḍe nihendeyevyo kahi yao, Kirist̯o kaniwezesa niwahendeze hawa wantu wa vyeet̯i vingine wamut̯ii Muungu.

Warumi 15:7

D̯ubva ikaani mukikaraḅishana vit̯aroni mwenu dza hiviḍe vya Kirist̯o amukaraḅishiyevyo uhajuni mwa Muungu, ili Muungu apate kushad̯wa.

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

2 Wakorint̯o 5:19

Nichokunenani ni kwamba, kwa njia ya Kirist̯o, Muungu kakuḍemani kuwahendeza wantu wonse kuwa waḅamuzwe, atsewat̯alia nabvise zao. Na haya haya maagu kayahupfa huyawasumwiiye na wangine.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Wakolosai 4:10

Huku gerenzani niiko, nya pfamodza na Arisitako. Jeje na Marko ndugujwe Baranaba, wamukedhya nto. Marko akidza kwenu mupfokeeni urembo dza mwivyokwambijwa.

2 Yohana 1:10

D̯ubva muntu yuḍejwonse akimudzia, na akitsamudzia na haya haya mayongweezo, namutsemukaraḅisha nyumbani kwenu. Na hat̯a kumukedhya, namutsemukedhya!