Mahendo 15:1 - Pokomo

¹ Kenge wantu wangine wayawiyeo Yud̯aya wadza Antiokia waḍabva kuwayongweeza hawa wandugu wamba, “Mukitsahinywa dza vya *Sharia ya Musa imumalievyo, ntamut̯oweza kupfonywa.”

Mahendo 15:1 Iomraidhean Croise

Yohana 7:22

Na hali hat̯a nanywi, munakaa na kuwahinya wana wenu hat̯a ikiwa kwamba ni nsiku ya Sabato. Munahenda hivi kwa kwamba Musa kamumpa hi hii Sharia ya kuwahinya wana wenu. Ela haswa haswa hi hii adha ntaikuḍabviswa ni Musa, iḍabva na wabibi zenu hangu kae na kae.

Mahendo 1:15

Hizihiziḍe nsiku, kwiit̯ut̯aa wantu wamuhikiziyeo *Kirist̯o chima cha gana modza na miyongo miwii. Pet̯ero kasumama kunena kahi yao.

Mahendo 15:22

D̯ubva, hawa ntumi na wazee, pfamodza na tsanganiko ḍyonse, wahuna kutsana wantu kahi yao wa kuwahuma Antiokia pfamodza na Paulo na Baranaba. Ndookomu wamutsana Sila na Yud̯a ahanijwe Barisaba. Hawa wantu wowii wewa wayongozi kahi ya hawa wandugu.

Mahendo 15:23

Wawahuma na hii ḅaruwa: “Swiswi ndugu zenu ntumi na wazee, humukedhya nto nywinywi wandugu nyonse musiokuwa Wayahud̯i, mwiwokukaani Antiokia, Siria na Kilikia.

Mahendo 15:24

Husikia kwamba mudzijwa ni wantu wangine wa hichi kit̯aro chehu, wadziyeo wakimwambia vyuuwo vimungizievyo chengeo na kuḍanganika. Ela swiswi ntahukuwaḍama kudzahenda dzavyo.

Mahendo 15:3

D̯ubva tsanganiko ḍiwagonzoza. Na wepfowakichia na Foinike na Samaria wawapfa maagu hawa wantu dzuu ya namuna ya hawa wantu wa vyeet̯i vingine wamuhikiziyevyo Muungu. Haya maagu yawapfa tsekea nkuu hawa wandugu wonse.

Mahendo 15:32

Yud̯a na Sila, weokuwa manabii, wanena na hawa wandugu kwa muḍa muyeya, wakiwafunda na kuwangiza mojo.

Mahendo 15:5

Ela wangine wa hawa wahikiza weokuwa wa kit̯aro cha *Mafarisayo wasumama, wamba, “Ni had̯i hawa wantu wasiokuwa Wayahud̯i wahinywe na wayongweezwe kuiuḅa Sharia ya Musa.”

Mahendo 21:20

Wepfosumwiijwa hayo maagu, wonse wamushad̯a Muungu. Makisa wamwamba Paulo, “Kwakuonani ndugu, kwamba maelefu ya Wayahud̯i wagala wahikiza, na wakuigijani muno hi *Sharia yehu.

Mahendo 6:14

Humusikia akyamba huyu Yesu jwa Nazareti anainanga hi Hekalu na kuperuya maad̯a yonse huyongweezejweyo ni Musa!”

Wagalatia 2:1

Kwipfochia myaka kumi na mine, nyenda kawii Yerusalemi, na hi buwa hwenda ami na Baranaba. Hukwakwendani humuhwaa na Tito.

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Wagalatia 6:12

Hawaḍe weonatsaka kudzitsakiza kwa wantu ndiwo weokuḍemani kumusharut̯isa muhinywe. Wanahenda hivi ili t̯u watsekuntiswa d̯ina kwa dzambo ḍya kusumwiiya kwamba, Kirist̯o kafwa muhini mwa mpatsa ahupfonye.

Wakolosai 2:16

D̯ubva namutsemud̯wa ni wantu weonakwamba ni matsowa kuḍya ambu kunwa vyakuḍya aina nsiku, ambu weonakwamba ni matsowa kutsahenda jila aina nsiku za kiḍini. Wala namutsemud̯wa ni wantu weonakwamba ni matsowa kutsahenda jila kula pfa mwezi wipfonakwand̯ama, ambu weonakwamba ni matsowa kutsasoha nsiku ya *Sabato.

Wakolosai 2:8

Manyani kuyatsa muntu amwaarye na mayongweezo ya makulekule na yasiyo maana, yeyonayawana na mvidhyo ya kiwanaad̯amu na masharia ya huju huju lumwengu, yasiyoyawa kwa Kirist̯o.