Mahendo 13:48 - Pokomo

⁴⁸ Hawa wantu wa vyeet̯i vingine wepfosikia hichi chuuwo watsekea na wamushad̯a Ḅwana kwa maaguye. Na hawaḍe wa Muungu atsaniyeo kuwa na maisha ya kuunga na yuungo, wagala wahikiza.

Mahendo 13:48 Iomraidhean Croise

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Matayo 28:16

D̯ubva dza viviḍe vya Yesu evyowaḍama, hawa wanafund̯i kumi na mumodza wanuka wenda Galilaya. Wenda pfapfaḍe pfa hu murima awaḍamiyeo kwamba wende.

Luka 7:8

Koro hat̯a nami nina wakuu wangu, na nina asikari weo nsii yangu. Ninkimwambia mumodza, ‘Enda,’ nae anakwenda. Ninkyambia yungine, ‘Nzoo,’ nae anakudza. Na ninkimwambia muhumwa jwangu, ‘Henda visiku,’ nae anavihenda.”

Yohana 10:16

Kuna mbuzi zangu zingine zisizokuwa humu zizini. Nazo ni had̯i nizihane ziniuḅe. Nazo pia zinanisikia, ndookomu kunawa mwona mumodza na mut̯unga mumodza.

Yohana 11:52

Na nkakut̯aḅiri kwamba Yesu anafwa kwa dzambo ḍya Wayahud̯i t̯u, ela pia kwa dzambo ḍya wana wa Muungu wonse wat̯amisaiyeo-t̯amisaiyeo ili awahendeze kuwa kintu kimodza.

Mahendo 13:12

Huyu mukuu jwa hichiḍe kilulu epfoona haya yahendekeeyo kahikiza, koro ewa kamakiswa muno ni haya mayongweezo dzuu ya Ḅwana.

Mahendo 13:42

Paulo na Baranaba wepfowakiyawa nomu sunagogini, hawa wantu wawayomba wauje kawii Sabato ya nyuma, wadze wawasumwiiye zaid̯i dzuu ya haya mambo.

Mahendo 15:2

Paulo na Baranaba waḍaat̯iana nao vyumuni dzuu ya hiḍi dzambo. Ndookomu ihunikana kwamba Paulo na Baranaba pfamodza na wantu wangine wa hiḍi tsanganiko ḍya Antiokia, wende Yerusalemi wakaḍikaiye chihako hiḍi dzambo na hawa *ntumi na wazee.

Mahendo 15:31

Hawa wantu wepfoisoma hi ḅaruwa watsekea, kwa dzambo ḍya hivi vyuuwovye vya kungiza mojo.

Mahendo 2:41

Wenji wao wahikiza vyuuwovye na wat̯opyegwa. Kit̯aro cha wahikiza chongezeka na wantu chima cha elefu ntahu hiyo hiyo nsiku.

Mahendo 2:47

Wekikaa na kumushad̯a Muungu, na weetsakwa ni wantu wonse. Ḅwana kagija kuchongeza hichi kit̯aro cha hawa wahikiza nsiku kwa nsiku, koro kula nsiku kwiwa wantu wangine weowakimuhikiza Ḅwana.

Mahendo 20:13

Huyongowa na chombo hwenda hat̯a Asosi, hapfa pfakwenda hukamuhwae napfo Paulo. Kahwamba huhende dza hivi kwa kwamba ewa kwendani hukuḍe na maguu.

Mahendo 22:10

Nimuuza nimwamba, ‘Nihendedze Ḅwana?’ nae Ḅwana kanyamba, ‘Nuka wende Damasiko, wendekokwambijwa kula kintu cha Muungu echonatsaka uhende.’

Mahendo 28:23

D̯ubva wahuniyana nsiku ya kut̯ongana na Paulo, na hiyo hiyo nsiku kwenda wantu wenji hapfa pfa Paulo epfoakikaa. Hangu magura hat̯a mioro kanena nao na kuwaimusya dzuu ya Uhaju wa Muungu. Kaḍema kuwahendeza wahikize maagu dzuu ya Yesu akitumia *Sharia ya Musa na matsoro ya manabii, kuyanga ya kwamba haya eyokunenani nza hachi.

Mahendo 8:8

Ndookomu kwiwa tsekea nkuu mudzini Samaria.

Warumi 11:7

D̯ubva yahendekeeyo ni haya: Wantu wenji wa Isiraeli ntawakukipata hikiḍe wechowakikilacha na hiḍu. Ela wakipatiyeo ni hawaḍe wachuchu wa Muungu atsaniyeo. Hawa wangine wahendezwa wat̯iriri.

Warumi 13:1

Kula mumodza jwenu ni had̯i at̯ii mamulaka ya sirikali, koro mamulaka zonse ziyawa kwa Muungu, na hawaḍe weokut̯awalani wawekwa ni Muungu jeje mwenye.

Warumi 8:28

Humanya kwamba Muungu anahenda kula dzambo ḍipate kuwa dzema kwa hawaḍe wamutsakiyeo na awahaniyeo kuuḅana na mupangowe kwao.

1 Wakorint̯o 16:15

Mumanya ya kwamba wantu wa nyumba ya Sit̯efanosi ndiwo wantu wa d̯ura wa ḍyimbo ḍya Akaya waperukiyeo wakiwa Wakirist̯o. Na wadziyavya kuwahumikia wantu wa Muungu. D̯ubva wandugu zangu, nyakumuyombani

Waefeso 1:11

Kula dzambo Muungu anaḍihenda dza evyonatsaka. Jeje kahuna kuhutsana hangu kae na kae huwe wantuwe kwa kuhungiza hariani mwa Kirist̯o.

Waefeso 1:19

Na pia nyakumuyombeani muzione hizi nguvuze, zichiiyezo nguvu zonse, za kuhugijiija swiswi humuhikiziyeo. Hizi ndizo ziziḍe nguvu

Waefeso 1:4

Jeje kahutsana huwe wantuwe hangu lumwengu ntajudzaumbwa ili ahungize hariani mwa Kirist̯o. Kahutsana huwe wantu wadheru na husiwo t̯amba zuka ḍiḍeḍyonse usoni kwakwe. Na kwa kwamba Muungu kahutsaka,

Waefeso 1:5

kahuna hangu kae na kae kuhuhendeza wanawe kuchiiya na kwa haya ya Yesu Kirist̯o ahendeeyo. Muungu kahenda hivi kwa kwamba iwa ndiyo miroye.

2 Watesalonike 3:1

Wandugu zangu, zaid̯i ya yonse, hwakumuyombani mugije kuhuyombea, ili hichi chuuwo cha Ḅwana kipate kud̯achaa haraka. Gijani kuhuyombea ili hawaḍe hudzeowasumwiiya wakihikize hichi chuuwo dza hivi vyenu mukihikiziyevyo.