Mahendo 13:32 - Pokomo

³² Naswi hudzia kumuyehea haya *Maagu Mema: haya ya Muungu aahid̯iyeyo kwamba anawahendea wabibi zehu,

Mahendo 13:32 Iomraidhean Croise

Luka 1:19

Huyu malaika kamwambukuya kamwamba, “Mimi ni Gabrieli niyenasumama usoni kwa Muungu. Kanihuma nikuyeheye haya maagu mema.

Luka 2:10

Ela huyu malaika kawamba, “Namutseshooga, koro nimuyeheya maagu mema, yadzeyoyeha tsekea nkuu kwa wantu wonse.

Mahendo 10:36

Hii ndiyo ḍaamisa ya Muungu apfiikiiyeyo wantu wa Isiraeli, akisumwiiya *Maagu Mema ya naghea kuchiiya kwa Yesu *Kirist̯o, eye Ḅwana jwa wantu wonse.

Mahendo 13:23

Muungu kamuhendeza Yesu, jwa yuvyee jwa D̯aud̯i, kuwa mupfonya jwa wantu wa Isiraeli, dza viviḍe evyoahid̯i.

Mahendo 13:38

Wandugu zangu, ni mumanye tswee kwamba mwakusumwiijwani haya maagu ya mayatsiyo ya nabvise kwa njia ya Yesu. Ni mumanye ya kwamba kula muntu amuhikiziyee anayatsijwa nabviseze zonse na anawa muhachi usoni kwa Muungu. Dzambo ḍya kwamba hi Sharia ya Musa ntaindeweza kuḍihenda.

Mahendo 14:15

“Nywinywi wantu, kut̯i mwakuhendani hivi? Naswi hu wanaad̯amu dzanywi! Hudzia kumusumwiiya Maagu Mema, muiyatse hi miungu yenu isiyo maana, mumuperukiye Muungu eye mojo, aumbiye yuwingu na nsi, rukanga na vyonse vivyo kuzimuye.

Mahendo 26:6

Na hi saasambi nya hapfa kuhukumigwa kwa dzambo ḍya kwamba nidzikwat̯ya ahad̯i ya Muungu aiwawekeeyo wabibi zehu.

Mahendo 3:19

D̯ubva pfyehuzani mama, na mumuujie Muungu, ili apate kumuyatsia nabvise zenu.

Mahendo 5:42

Na kula nsiku, wekyenda madzumbani mwa wantu na Hekaluni, kuyongweeza na kusumwiiya *Maagu Mema dzuu ya Yesu kwamba ndiye *Masiya.

Warumi 1:2

Muungu ewa kaahid̯i dzuu ya haya haya Maagu Mema hangu kae na kae kuchiiya na kwa manabii wakwe. Hawa hawa manabii ndiwo woreyeo haya haya mambo humu mwa haya matsoro madheru.

Warumi 10:15

Ae nguzi aya maagu yanasumwiijwadze ikiwa kwamba ntakukuhumwa wantu wakayasumwiiye? Dza vya matsoro yambiiyevyo, “Kudza kwa hawaḍe weonayeha *Maagu Mema ni dzambo dzema muno.”

Warumi 4:13

Muungu ewa kamuahid̯ia Iburahimu na yuvyeejwe kwamba kadzajumumpa huju lumwengu jwonse juwe jwakwe. Iburahimu nkakuiwekejwa hi hii ahad̯i kwa dzambo ḍya kuziuḅa *Sharia hat̯a, ela kaiwekejwa kwa dzambo ewa kamuhikiza Muungu, na Muungu kamuhwaa kuwa muntu muhachi.

Warumi 9:4

Wao ni Waisiraeli, na ni wantu watsanijweo kuwa wana wa Muungu. Muungu kawayanga namuna aivyo na kahenda maḍamano nao na pia kawapfa hi *Sharia yakwe. Wao wanamuyomba jeje Muungu jwa hachi na ndiwo wapfokeeyeo hizi ahad̯i za Muungu.