Mahendo 13:16 - Pokomo

¹⁶ Ndookomu Paulo kasumama, kawanwiiya mukono, na kanena nao kamba, “Waisiraeli wenzangu, nanywi nyonse musiokuwa Wayahud̯i mwiwonamuvunzia nkuhi Muungu, nisikiiyani!

Mahendo 13:16 Iomraidhean Croise

Matayo 11:15

D̯ubva kula awee na masikio nasikiye.”

Luka 1:22

Epfoyawa huku nze, nkakuweza kut̯amuka chuuwo anene nao. Ishinu kanena nao kwa kuwabigia peni. Ndookomu wahambuya kwamba kat̯ongana na dzambo.

Luka 1:50

Nansoye inawa kwao wonse weonamushooga, hangu kivyazi hat̯a kivyazi.

Luka 23:40

Ela huyu mumodza kamubusa huyu mwenziwe kamwamba, “Wewe nkunamushooga Muungu hat̯a, na huku hwakuhukumigwani vimodza?

Mahendo 10:2

Ewa muntu muchuuwo. Jeje na sindowe wonse wewa wantu weowakimuhila Muungu. Kahenda menji ya kuwasaiḍia Wayahud̯i masikini na kut̯wa ekimuyomba Muungu.

Mahendo 10:35

Muntu jwa kyeet̯i kiḍechonse eyenamuhila Muungu na kuhenda yeyo ya hachi Muungu anamupfokea.

Mahendo 12:17

Kawanyamaza na mukonowe, na kawasumwiiya namuna ya hivi vya Ḅwana amuyaviyevyo na gerenzani. Na kongeza kamba, “Musumwiiyeni na Yakobo na hawa wandugu wangine.” Makisa kanuka kenda kuntu kungine.

Mahendo 13:26

Paulo kongeza kunena kamba, “Ndugu zangu wa yuvyee jwa Iburahimu, na wantu wonse wasiokuwa Wayahud̯i weonamuvunzia nkuhi Muungu; haya maagu ya mupfonyo huyayehejwa swiswi.

Mahendo 13:46

Ela Paulo na Baranaba wagija kunena pfasipfo oga, wawamba, “Iwa ni had̯i chuuwo cha Muungu kisumwiijwe kwenu nguzi. Kenge kwa dzambo ḍya kwamba muchidziza, na mudziona ntamunamala kuwa na maisha ya kuunga na yuungo, hunamuyatsa na hunawendea hawa wantu wa vyeet̯i vingine.

Mahendo 19:33

Wayahud̯i wamusindika muntu eyeakihanwa Alekizanda asumame usoni ya hawa wantu. Wantu wangine wepfowaona wamba ana chuuwo cha kunena. Ndookomu Alekizanda kawapfungia mukono hawa wantu wanyamae na kaḍema kuwayanga ya kwamba jeje na wantuwe ntawakuhusika na haya yahendekeeyo.

Mahendo 2:14

Pet̯ero eyekuwa pfamodza na hawa *ntumi kumi na mumodza, kasumama wima. Kaḍabva kunena ne t̯ut̯a ya wantu na idzwi kuu kamba, “Wenzangu Wayahud̯i nanywi nyonse mwiwokukaani Yerusalemi, pfindiiyani muno hivi vyuuwo vyangu.

Mahendo 2:22

Kawii Pet̯ero kamba, “Wantu wa Isiraeli, pfindiiyani hivi vyuuwo! Yesu jwa Nazareti ewa muntu atsanijwe kuhenda kazi ya Muungu. Nanywi mwiiyangwa tswee na mambo ya mafara, mambo ya kumakisa, na vihambwiizo vya Muungu ahendeevyo kuchiiya kwakwe. Nywinywi wenye muyamanya haya, koro yahendeka hapfa, kahi yenu.

Mahendo 21:40

Huyu mura kamumpa ruhusa. Ndookomu Paulo kasumama na hapfa pfa hivi vyombe vye ngazi ya kupfaiya na kawanyamaza hawa wantu na mukonowe. Wepfonyamaa mya, Paulo kanena nao Kieburania.

Mahendo 22:22

Hawa wantu wamupfindiiya Paulo hat̯a epfonena hivi wanjia kuḅaani madzwi na nguvu wakyamba, “Muyageni, nkanamala kuishi!”

Mahendo 3:12

Pet̯ero epfowaona hawa wantu, kawamba, “Wantu wa Isiraeli, kut̯i mumakiswa ni hiḍi dzambo? Munahud̯eḍea muna? Mwakut̯arani kwamba nguvu zehu wenye ambu udheru wehu ndiwo uhuwezeseyeo kumuhendeza ayu muntu enende?

Upfenuo wa Yohana 2:11

Eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, huku kufwa kwa pfii kwa maishi na maishi, ntakuwezi kumupata.’ ”

Upfenuo wa Yohana 2:17

Eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, namumpa sehemu ya hiḍe mana ifitsijweyo na namumpa iwe dzeupe ḍyorejweḍyo sari ipfya ḍisiḍyomanyigwa ni yuḍejwonse, lamud̯a huyu adzeyeḍipfegwa.’ ”

Upfenuo wa Yohana 2:29

Eye na masikio, nasikiye hivi vya huyu Ruhu evyokuyambiani matsanganiko.’ ”

Upfenuo wa Yohana 2:7

D̯ubva eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, namumpa hachi ya kuḍya matunda ya muhi wiwonapfa wantu maisha, wiwo *Paradisoni mwa Muungu.’ ”